Psalm 31:24 - Edo Bible (E Baibol Ẹdo) Version 1996

²⁴ Wa wegbe, ne uwa vbe din, wa hia ni mwẹ idaehọ vbe ehe ne Nọyaẹnmwa ye.

Psalm 31:24 ပူးပေါင်းရင်းမြစ်များ

II Krọnikol 34:31

Ọ keghi mudia ke orrẹ ọghe ọba, ọ keghi yan ma e Nọyaẹnmwa wẹ rẹn gha họn ẹmwẹ ne ẹẹn, rẹn rhie uhi kevbe iyi ẹre mwẹ, vbe ekhọe ẹre hia kevbe orhiọn rẹn hia kevbe ne ọ vbe gha ru vbene a tae ye ebe uhi, zẹ vbene a gbẹnnẹ ọẹn ye ebe.

Ẹsta 6:10

Ẹre ọba ghi na tama e Haman wẹẹ, “Zẹgiẹ ya viọ nene ukpọn kevbe ẹsin ne u ya mu uyi ye Modekai ne Ju egbe. Wa ru avbe emwi ne u tae nii hia ne ẹẹn. U gha miẹn ọẹn vbe ọ tota ye onurho ẹguae.”

Psalm 138:3

U zẹ ẹmwẹ wanniẹn mwẹ vbe I kpe tie ruẹ, u keghi ya ẹtin ruẹn, rhie ẹtin yọmwẹ iwu.

Psalm 146:5

Afiangbe nọ ne ọmwa ne ọ mwẹ Osanobua Jekọb, zẹ vbe ọmwa ne ọ yọre obọ, kevbe ne ọ mu ẹtin yan e Nọyaẹnmwa ne Osanobua ẹre.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Psalm 29:11

E Nọyaẹnmwa ọ re ọ rhie ẹtin ne emwa rẹn, ọ keghi ya ọfumwegbe fiangbe iran.

Diuteronomi 6:5

Ye ekhọe ruẹ hia ho ẹmwẹ Nọyaẹnmwa Osanobua ruẹ, kevbe orhiọn ruẹn hia kevbe ẹtin ruẹn hia.

Kọlose 1:11

Te ẹtin ẹnrẹn hia, ne ọ ke uwu ẹtin uyi ẹre rre, gha ye uwa khian ne ọ wo vbe egbe, ne uwa miẹn ehe na sẹtin ye i ziengbe ye egbe miẹn emwi hia.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.