Psalm 31:23 - Edo Bible (E Baibol Ẹdo) Version 1996

²³ Wa ho ẹmwẹ e Nọyaẹnmwa, wa ne emwa rẹn, ni gie a mu ẹtin yan hia, e Nọyaẹnmwa ọ re ọ degue ọmwa ne ọ gie a mu ẹtin yan, sokpan, ọ ghi rri iran ni tọn egbe mu oya zẹ vbene ọ ma iran.

Psalm 31:23 ပူးပေါင်းရင်းမြစ်များ

Psalm 145:10

Emwi ne u yi hia gha rho ruẹ Nọyaẹnmwa, emwa ruẹn hia gha vbe kpọnmwẹ ọn.

Psalm 145:20

Ọ degue ọmwaikọmwa ne ọ ho ẹmwẹ irẹn, sokpan, ọ gha fuẹn emwa dan an.

Psalm 30:4

Wa so ihuan urhomwẹ ghe Nọyaẹnmwa, wa ne emwa rẹn ni gia mu ẹtin yan. Wa yerre, emwi ne Ne ọ huanrẹn Nii ru ne uwa rhie ekpọnmwẹ ne ẹẹn.

Psalm 34:9

Wa gha ya ọghọ ne Nọyaẹnmwa, wa ne emwa rẹn hia, iran ni mu ẹtin yan rẹn, i ra vbabọ emwikemwi.

Psalm 54:5

Te Osanobua gha ya emwi dan iran, rri avbe eghian mwẹ oya, ọ gha fuẹn iran an, rhunmwuda, rẹn gia mu ẹtin yan.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Psalm 94:2

Wẹ ọ re ọ bu ohiẹn emwa hia kpaegbe, ne u ru avbe emwa ni tọn egbe mu emwi ne ọ ma iran.

Psalm 97:10

E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

Aizaia 38:10

I te gha ro wẹ vbe ẹghẹ ne agbọn na wa ma mwẹ na te I ghi rrie agbọn iran ni wulo nẹ ne I ghẹ lo ẹdẹ mwẹ hia ne a rhie mẹ.

Aizaia 56:6

E Nọyaẹnmwa vbe tama avbe erhunmwuyẹn nii do deba emwa irẹn, iran ni ho ẹmwẹ ọnrẹn, iran na vbe gha gae, iran ni rhie Ẹdẹ Ikẹtin lẹre, ne iran na vbe rhie uhi ẹre mwẹ vbe ẹmwata wẹẹ,

Ezikiẹl 37:11

Osanobua keghi tama mwẹ wẹẹ, “Ovbi ọmwa, te ivbi Izrẹl ye vbe avbe ugboloko na, iran khare wẹ iran kakaa nẹ vbene idaehọ ra a gha he kue maa ẹdẹ nakhuẹ i na ghi rrọọ.

Iyẹn ne ọ Maan Ọghe Mak 12:23

Ẹn hẹn, a ghẹ ghi huẹn emwa hia kpao vbe idin vbe ẹdẹ arhiọkpaegbe, de amwẹ ọmwa ne irẹn gha khin vbọ ugbẹn vbe a miẹn wẹẹ iran ihinrọn ni wa rọnmwẹ ọẹn gba obọ?”

Diuteronomi 10:12

“Banbanna nian, wa ne ivbi Izrẹl wa danmwẹ ehọ emwi ne Osanobua nọ rẹn vbe obọ uwa. Wa gha ye ekhọe uwa kevbe orhiọn uwa hia ho ẹmwẹ ọnrẹn, ne uwa vbe ya ẹe ga ẹe.

Diuteronomi 30:16

Adeghẹ wa ya uhi e Nọyaẹnmwa Osanobua uwa ne imẹ rhie ne uwa ẹrẹna gha ru emwi, adeghẹ wa họn ẹmwẹ ne ẹẹn, wa na viọ uhi ẹre hia ya gha ru emwi, ẹghẹ nii agbọn gha ma uwa, wa ghi vbe khian okpẹvbo nọkhua ne emwa ni bun ye. E Nọyaẹnmwa Osanobua uwa ghi fiangbe uwa vbe otọe ne uwa ra ya yin na.

Diuteronomi 32:41

wẹ I gha lọ agbada mwẹ ne wainwain, I ghi miẹn wẹ a ru emwi ye vbene ọ kere. I gha rria avbe eghian mwẹ ikhi, I ghi rri iran ni khuiwu mwẹ oya.

Diuteronomi 33:3

E Nọyaẹnmwa ho ẹmwẹ emwa ẹnrẹn, ọ keghi vbe degue iran ni re ọghe ọe. Rhunmwuda ọnii, ma ghughẹrre vbe owẹ ọre a na ya uhi ẹre gha ru emwi.

I Tẹsalonaika 4:1

Vbe okiekie ehia, etẹn mwẹ, wa ruẹ re vbe obọ ima vbene uwa gha ru emwi hẹ, ne uwa gha na yẹ Osanobua. A rẹnrẹn wẹ, erriọ wa wa yin ke ẹghẹ ni gha dee. Wanwanna nian, ma ye eni Nọyaẹnmwa Jesu rinmwian uwa, ma vbe tua ẹre mu unu ma uwa, ne uwa ru gberra vbene uwa ka ru de yi.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.