Psalm 31:22 - Edo Bible (E Baibol Ẹdo) Version 1996

²² Afianma te gha fian mwẹ I keghi te ro wẹ ọ khu mwẹ fua hin ehe ne irẹn ye rre nẹ. Sokpan, ọ họn utumwẹ mwẹ, vbe I kpe tie ẹre nọ iyobọ.

Psalm 31:22 ပူးပေါင်းရင်းမြစ်များ

Job 35:14

E Job, u wẹ u i sẹtin deghẹ Osanobua. Sokpan, hẹko zin egbe, ẹzọ ruẹ rre odaro ẹre nẹ.

Psalm 116:11

Ya sẹ egbe ẹghẹ ne ohan na gha mu mwẹ, ne I na kha wẹẹ, “A i miẹn ọmwa ne ọ gia mu ẹtin yan.”

Psalm 17:7

Rhie ahoẹmwọmwa ọyunnuan ruẹn maa, ne u miẹn ima fan. Me gha rre ehe ne u ye, mẹ fe vbe obọ avbe eghian mwẹ.

Psalm 31:17

I tu tie ruẹ Nọyaẹnmwa ghẹ gie iran fa mwẹ uan. Efaa ọ re ọ gha rruan ọmwa dan, te iran gha do gha rriẹ ẹvbo emwa ni wulo nẹ.

Psalm 6:9

Ọ danmwehọ eve ne I viọ nọ iyobọ, ọ gha vbe họn erhunmwu mwẹ.

Psalm 66:20

I rho Osanobua, rhunmwuda, ọ ma fieghe uhunmwu ye erhunmwu mwẹ ra ne ọ dobọ aho ẹre ne ẹ i beghe yi ghe mwẹ.

Psalm 88:16

Ohu ruẹ ne ọ mwẹ oghae rẹnkhẹn mwẹ uan, igbinna ruẹn ne ọ gborrirri fuẹn mwẹ uan.

Aizaia 49:14

Sokpan, ivbi e Jerusalẹm keghi kha wẹẹ, “E Nọyaẹnmwa hee ima yotọ nẹ! Ọ mianmian ima nẹ.”

Aizaia 6:5

Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”

Ezikiẹl 37:11

Osanobua keghi tama mwẹ wẹẹ, “Ovbi ọmwa, te ivbi Izrẹl ye vbe avbe ugboloko na, iran khare wẹ iran kakaa nẹ vbene idaehọ ra a gha he kue maa ẹdẹ nakhuẹ i na ghi rrọọ.

Jona 2:4

I te gha ro wẹ a kanmwẹ fua hin odaro ruẹ rre nẹ, kevbe wẹ, mẹ I ghi dọlegbe ye aro kan ọgua Osa ruẹ nọhuanrẹn ọvbehe.

Iyẹn ne ọ Maan Ọghe Luk 11:10

Rhunmwuda ọmwa ne ọ rhirhi nọọn, ọ gha sẹ ọre obọ, ne ọ gualọe gha miẹn, a gha kie ne ne ọ sobọ.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

I Samuẹl 23:26

E Sọl kevbe emwa rẹn kegha rre obọkpa ọghe nene oke vbe ne Devid kevbe emwa rẹn na gha rre obọ nọkpa. Iran keghi yẹn owẹ ye okhian ne iran lẹ fe Sọl kevbe emwa rẹn ne ọ ghi wa sikẹ iran, ọ kẹ ekherhe ne obọ iran vba iran.

I Samuẹl 25:32

E Devid keghi wanniẹn tama rẹn wẹẹ, “Rhie urhomwẹ ne Nọyaẹnmwa ne Osanobua Izrẹl ne ọ gie uẹ bu mwẹ gha dee ẹrẹna!

I Samuẹl 27:1

E Devid keghi tama egbe ẹre wẹẹ, “E Sọl gha gbe mwẹ uan ẹdẹ ọkpa. Emwi ne ọ ke mẹ sẹ ne I gha ru ọrọre ne I lẹ fua gha rrie Filistia. Ẹghẹ nii, e Sọl ghi hẹwẹ vbe ne ọ na te gualọ mwẹ khian vbe otọe Izrẹl, ẹghẹ nii, I ghi do miẹn uhunmwu.”