Psalm 31:21 - Edo Bible (E Baibol Ẹdo) Version 1996

²¹ Wa rho e Nọyaẹnmwa, u miẹn vbe ọ rhie ahoẹmwọmwa ne ọ mwẹ ghe mwẹ ma hẹ vbe ọyunnuan, vbe iran ghae ga mwẹ, gha gun mwẹ gbinna.

Psalm 31:21 ပူးပေါင်းရင်းမြစ်များ

Job 5:21

Osanobua gha miẹn ruẹn fan vbe obọ ovinzẹ, ọ gha miẹn ruẹn fan vbe ọfuan a rre.

Psalm 118:23

E Nọyaẹnmwa ọ re ọ ru ọna, u miẹn vbene ọ yan ọmwa unu an hẹ!

Psalm 17:7

Rhie ahoẹmwọmwa ọyunnuan ruẹn maa, ne u miẹn ima fan. Me gha rre ehe ne u ye, mẹ fe vbe obọ avbe eghian mwẹ.

Psalm 27:5

Ọ gha degue mwẹ vbe ẹghẹ ibaro ọ gha rhie mwẹ lẹre vbe uwu Ọgua Osa ẹre, vbe ne ai na mwẹ ẹbe. Ọ ghi vbe gie ẹkun sẹ mwẹ otọ vbe uhunmwu okuta ne ọ yo.

Psalm 98:1

Wa so ihuan ọgbọn ghe Nọyaẹnmwa, ọ ru emwi ọyunnuan nibun nẹ. Ọ vbe ya ẹtin kevbe iwegbe ẹre ne ọ huanrẹn, miẹn akhọnmiotọ nẹ.

Jerimaia 1:18

Danmwehọ, Jerimaia, emwa hia ni rre otọe na gha mu aro dan da ruẹ, avbe ọba, e Juda, avbe ekhaẹmwẹ avbe ohẹn, kevbe avbe emwa nii. Sokpan, vbe ẹdẹnẹrẹ na, mẹ rhie ẹtin nuẹn nian ne u ya khẹ iran, te u ra ye vbe ẹvbo ne a gbe odin gaa, orre ematọn, ekẹn oze. Obọ iran i sẹtin ke ukhunmwu ne uẹn, rhunmwuda, I gha rrọọ yaba ruẹ, ne I degue ruẹ, mẹ ne Nọyaẹnmwa ọ re ọ taa ẹe.”

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.