Psalm 31:2 - Edo Bible (E Baibol Ẹdo) Version 1996

² Họn urhu mwẹ, miẹn mwẹ fan nian. Gha re ugue, ne ọ gha degue mwẹ. Ọmwa ne ọ gbinna mẹ, ne ọ ra miẹn mwẹ fan.

Psalm 31:2 ပူးပေါင်းရင်းမြစ်များ

II Samuẹl 22:3

Osanobua mwẹ ọrọre ugue mwẹ, I gha rre ehe ne ọ ye, ẹbe fo. Ọ degue mwẹ zẹ vbe asa. Ọ gbinna mẹ rhie mwẹ mwẹ, vbe a i mwẹ ẹbe. Rẹn ọrọre Ọmiọnmwafan mwẹ; ọ degue mwẹ, ọ fan mwẹ hin epiankhanrhan rre.

Job 7:21

Wẹ i ya orukhọ mwẹ bọ mwẹ ẹdẹ ra? Wẹ i ye abakuru mwẹ bọ mwẹ? Ẹ i ghi kpee wan, I ghi la idin mwẹ. u gha gualọ mwẹ, sokpan, mẹ kpao nẹ.”

Psalm 102:2

I gha rre uwu ọlọghọmwa, ghẹ fi iyeke gbe mwẹ! U ghi danmwehọ mwẹ, ne u zẹmwẹ wanniẹn mwẹ ẹgiẹgiẹ vbe I a gha tie!

Psalm 130:2

Nọyaẹnmwa, họn eve mwẹ, họn vbene I tu nọ iyobọ hẹ.

Psalm 143:7

Zẹ ẹmwẹ wanniẹn mwẹ nian, Nọyaẹnmwa, egbe fu mwẹ nẹ, ghẹ ghi rhie aro lẹre mẹ ne I ghẹ do ya khian okpa vbe uwu iran, ni tuorre rrie ehe ne iran ni wulo nẹ ye.

Psalm 25:2

Osanobua mwẹ, wẹ ọ re I mu ẹtin yan. Miẹn mwẹ fan hin obọ; efaa ọghe a mu ọmwa gbotọ, ghẹ gie avbe eghian mwẹ ghọghọ mwẹ.

Psalm 40:17

Ovbiogue kevbe nọ ma wegbe ọ re imẹ khin Nọyaẹnmwa. Sokpan, wẹ ma he mianmian mwẹ. Wẹ ọrọre ọmiọnmwafan mwẹ kevbe Osanobua mwẹ zẹgiẹgiẹ do yọmwẹ obọ.

Psalm 62:7

Osanobua ọ re imiẹnfan mwẹ kevbe uyi mwẹ hẹnhẹn egbe yan; rẹn ọrọre ugue mwẹ ne ọ wegbe, rẹn ọrọre ehe ne I lẹre yi.

Psalm 69:17

Ghẹ rhie egbe lẹre ne ọguọmwadia ruẹ, uwu ibaro nọkhua ọre I ye na, zẹ ẹmwẹ wanniẹn mwẹ nian.

Psalm 7:2

Ne iran ghẹ ya mu mwẹ gha rriẹ, zẹ vbe oduma, vbe ne ọmiọnmwafan i na rrọọ. Iran ghi yanghan mwẹ ye otọ, ukhiọnmwẹ ukhiọnmwẹ.

Psalm 79:1

Osanobua. avbe nigẹbọ mu okuo la otọe ruẹ, iran mu awua la Ọgua Osa ruẹ nọhuanrẹn iran keghi rẹnkhẹn Jerusalẹm sẹ otọ.

Psalm 86:1

Danmwehọ mwẹ Nọyaẹnmwa, ne u rhie ewanniẹn mẹ, rhunmwuda mẹ ma wegbe, ẹtin vbe fo mwẹ nẹ.

Psalm 90:1

E Nọyaẹnmwa, wẹ ọrọre owa mwa ẹdẹdẹmwẹdẹ.

Psalm 91:9

Wẹ ya e Nọyaẹnmwa ru e nọhuanrẹn ọwuẹ nẹ, ọmwa Ne ọ yo sẹẹ Ehia, ọrọre ne ọ degue ruẹ.

Psalm 94:22

Sokpan, e Nọyaẹnmwa ọ re ọ gbinna mẹ, Osanobua mwẹ ọ re ọ degue mwẹ.

Itan 22:17

Danmwehọ mwẹ, I gha ma ruẹn avbe ẹmwẹ eso ne avbe umẹwaẹn tae. U ghi ruẹ emwi ne iran ma ọmwa re.

Aizaia 33:16

Ẹghẹ nii, wa gha rrọọ vbe ai mwẹ ẹbe, ẹkun ghi vbe sẹ uwa otọ vbene a miẹn wẹ, uwu owa ọkhẹ ne Ọ wegbe ọ re uwa ye. Wa gha miẹn evbare gha re, wa ghi vbe miẹn amẹ gha wọn.

Iyẹn ne ọ Maan Ọghe Luk 18:8

Ne I tama uwa, ọ gha zẹgiẹ do buohiẹn ne iran. Sokpan Ovbi Ọmwa gha rre, ọ gha miẹn iyayi vbe agbọn?”

Iyẹn ne ọ Maan Ọghe Jọn 6:56

Ọmwa ne ọ rri efun egbe mwẹ, ọ na vbe wọn esagiẹn mwẹ, rre uwu imẹ, mẹ vbe rre uwu irẹn.

Diuteronomi 32:31

Eghian iran rẹnrẹn ighẹ ẹbọ iran i mwẹ ẹtin, iran i mwẹ ẹtin zẹ vbe Osanobua Izrẹl.

I Jọn 4:12

Ọmwa ọkpa ne ọ he miẹn Osanobua aro ẹdẹ, ẹ i rrọọ, a deghẹ ma ho ẹmwẹ egbe, Osanobua rre uwu ima, a keghi vbe ya aho ẹmwẹ ọmwa rẹn khian ne ọ gbae vbe uwu ima.