Psalm 31:17 - Edo Bible (E Baibol Ẹdo) Version 1996

¹⁷ I tu tie ruẹ Nọyaẹnmwa ghẹ gie iran fa mwẹ uan. Efaa ọ re ọ gha rruan ọmwa dan, te iran gha do gha rriẹ ẹvbo emwa ni wulo nẹ.

Psalm 31:17 ပူးပေါင်းရင်းမြစ်များ

Psalm 115:17

Avbe orinmwi i rho e Nọyaẹnmwa, ra iran hia ni tuorre lao otọe a hunwan hii.

Psalm 31:1

I rre do lẹ gbinna an Nọyaẹnmwa ghẹ gie obọ gba mwẹ ẹdẹ. Osanobua ẹmwata wẹ khin lahọ miẹn mwẹ fan.

Psalm 34:5

Iran ne a zẹ kpokpo ye aro kọe, iran keghi ghọghọ ua, ekhue i ra vbe mu iran ẹdẹdẹmwẹdẹ.

Psalm 35:26

Iran ni gbe igiogio ye usẹ ne ẹse mwẹ, te obọ gha vba iran, ne iro han iran. Iran ni wẹ iran maa sẹ mwẹ, emwiekhue kevbe efaa, ọ re ọ gha gba iran egbe.

Psalm 35:4

Iran ni ho ne iran gbe mwẹ uan, te obọ gha ke ukhunmwu ne iran, ne a fa iran an. Iran ni si uma ẹkhokho khuan khẹ mwẹ, te a gha khu iran werriegbe ne iro han iran.

Psalm 4:7

Sokpan, oghọghọ ne uwẹ rhie mẹ nẹ, kpọlọ sẹ ne iran gha sẹtin miẹn ẹdẹdẹmwẹdẹ, egbe ne iran rhe ya mwẹ ọka kevbe ayọn.

Psalm 6:10

Efaa ọmwa ne a mu gbotọ, gha rruan avbe eghian mwẹ. Iran gha lẹ ulẹ ọbanban gha rriẹ.

Psalm 71:24

I gha na iyẹn umamwẹ ruẹn ne ebi ro, rhunmwuda, iran ni te ho ne iran kuan mwẹ, obọ gba iran a keghi fa iran an.

Psalm 80:4

Vbe ọ gha ye kpee sẹ hẹ yi, Nọyaẹnmwa Osanobua Ne Oghodua? U gha mu ohu erhunmwu avbe emwa ruẹn ra?

Psalm 80:8

U rhie azara ima okpa ke Igipt rre, u khulo uhunmwu ẹvbo nekpa ladian, u keghi gbọ ẹre ye otọe iran.

Psalm 94:17

Akpawẹ ẹ i re Nọyaẹnmwa ne ọ mudia mẹ te I gha ya ulẹ lao otọe iran ni rhie obọ nọ fu yan egbe.

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.