Psalm 31:11 - Edo Bible (E Baibol Ẹdo) Version 1996

¹¹ Te avbe eghian mwẹ hia, kpataki avbe ẹdogbo mwẹ, ghi sọnnọ mwẹ. Te ohan mwẹ ghi mu iran ni rẹn mwẹ; iran gha dekun mwẹ vbe ore, iran ghi lẹẹ.

Psalm 31:11 ပူးပေါင်းရင်းမြစ်များ

Psalm 22:6

Sokpan, mẹ i ghi re ọmwa, ọkhọe mẹ khin, ne emwa hia zan, kevbe ne a kan fua.

Psalm 38:11

Avbe osẹ kevbe ẹdogbo mwẹ i ghi sikẹ mwẹ, rhunmwuda ẹtẹ mwẹ, avbe etẹn mwẹ ne a rẹn egbe te iran ghi lẹ mẹ.

Psalm 64:8

Ọ gha fuẹn iran an rhunmwuda avbe ẹmwẹ ne iran ta nii, emwa ni miẹn iran hia ghi gha fieghe uhunmwu.

Psalm 88:18

U ru ẹe ne avbe osẹ ni sikẹ mwẹ sẹẹ he mwẹ yotọ ebiebi ọkpa ọrọre ogieva mwẹ.

Psalm 88:8

U gie avbe osẹ mwẹ he mwẹ ye otọ, u yamwẹ khian ne ọ zughu ẹko ne iran, a ke mwẹ ye ako, I i sẹtin lẹfua.

Aizaia 49:7

Osanobua nọhuanrẹn kevbe ọmiọnmwafan Izrẹl khama rẹn ighe ọmwa nii ne a kakabọ zan an ne avbe uhunmwu ẹvbo hia khuiwu ẹre, ne ọ vbe re ọguọmwadia iran ni khaemwisẹ wẹẹ, “Avbe ọba gha miẹn vbe a gha fan an yotọ, iran ghi kpa uhe ya yọghọ ne uẹn, avbe ivbi ọba debare gha vbe miẹn ọẹn, iran ghi ghughẹrre ẹsẹse ya yọghọ ne uẹn.” Ọ na gha sunu rhunmwuda, e Nọyaẹnmwa zẹẹ ọguọmwadia ẹre nẹ Osanobua nọhuanrẹn ọghe Izrẹl vbe mu eyan rẹn sẹ.

Jerimaia 12:6

Uhin ighe avbe etuẹn nikpia, emwa ẹgbẹe ruẹ rhie ruẹ ma, iran rhie obọ ba okhọn ne a gu uẹ khọn. Ghẹ mu ẹtin yan iran, ọ gha khọn iran ne iran gha ta ẹmwẹ ose.”

Maika 7:6

Vbe agbọn ne a ghi ye na, emọ ikpia ghi ru avbe erha iran zẹ vbe akpa, emọ ikhuo ghi mu aro igbinna da iye iran, igbama ne ikhuo ghi gha gu iye ọdọ iran gui ẹzọ, emwa ẹgbẹe ọmwa ọrọre eghian rẹn.

Matiu 26:56

Sokpan ena hia sunu ne Ebemiẹn ehe na sẹ.” Ẹkpo ni ọre avbe erhuanegbe hia ghi na sẹ ọe rae, iran keghi lẹ kua.

Matiu 26:74

Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ.

Iyẹn ne ọ Maan Ọghe Mak 14:50

Ẹghẹ ni ọre avbe erhuanegbe hia ghi na sẹ ọe rae, iran keghi lẹẹ kua.

Ebe ne Pọl gbẹẹn gie emwa Rom 15:3

Rhunmwuda ẹ i re ọghe enegbe Kristi ọre ọ gha ru. Sokpan zẹ vbene ebe khare, “Ẹbọ ne iran ni tie ihẹn nuẹn tie nuẹn do sẹ ima egbe.”

II Timoti 4:16

Ẹghẹ ne I na ya gui ẹzọ mwẹ vbe okaro, orhunmwu ọkpa ne ọ lele mwẹ yo ẹ i rrọọ, ehia keghi lẹ sẹ mwẹ rae. Osanobua ne ọ lahọ ne oghẹ kae ye iran owẹ.

Hibru 11:36

A ye eso gbe ogiẹ, a gbe iran asan, a keghi munọ eso gbalọ hẹ ku uwu ẹwẹdọ.

Hibru 13:13

Rhunmwuda ọnii nian, wa gie ima kpao vbe agọ rre ya vba ẹre, ne ima vbe ya egbe viọ vbe emwi ekhue ẹre.

I Pita 4:14

Ọ ma kaan uwa, adeghẹ a rhovbiẹ uwa rhunmwuda ighẹ wa re eguọmwadia Jesu, rhunmwuda, ọnii rhie maa wẹ, orhiọn uyi nii, ighẹ Orhiọn Osanobua, tuorre yan uwa nẹ.