Psalm 31:10 - Edo Bible (E Baibol Ẹdo) Version 1996

¹⁰ Egbe wọ mwẹ rhunmwuda akhiẹ. Eve fian ẹdẹ mwẹ kanmwa. Olọghọ ne I ye guọghọ mwẹ egbe ye otọ. Te avbe ugboloko mwẹ ghi rẹnhuan.

Psalm 31:10 ပူးပေါင်းရင်းမြစ်များ

Job 3:24

Evbare I gha te re, sokpan I gha khiẹ, mẹ i sẹtin dobọ ikhiẹkhiegbe yi.

Psalm 13:2

Inu ẹghẹ, akhiẹ gha ye vuọn ekhọe mwẹ la, vbe avan kevbe asọn? Inu ẹghẹ ọre avbe eghian mwẹ, ra rhie obọ yan mwẹ uhunmwu la?

Psalm 27:7

Họn ọghomwẹ Nọyaẹnmwa vbe I gha da tie ruẹ tohan mwẹ, ne u vbe zẹ ẹmwẹ wanniẹn mwẹ.

Psalm 38:3

Uwu obalọ ọ re I ghi ye, rhunmwuda ighe ohu mu ẹẹn. Emianmwẹ gba mwẹ egbe hia. Rhunmwuda orukhọ mwẹ.

Psalm 39:11

Ẹzọ ne u gu ọmwa gui, ọ re u ya rri ọmwa oya ye orukhọ ne ọ ru. U ghi vbe fuẹn emwi ne ọ te ye ọre ua zẹ vbene arriukpa rri emwi. Vbe ẹmwata, ọmwa ma maa sẹẹ ẹhoho ne ọ rhie gberra khian.

Psalm 6:8

Wa kpao vbe ehe ni I ye rre, emwa dan, E Nọyaẹnmwa họn eve mwẹ nẹ.

Psalm 71:9

Ghẹ he mwẹ ye otọ, vbe I khian ọmaẹn nẹ nian. Ghẹ fi iyeke gbe mwẹ vbe egbe mwẹ guọghọ nẹ.

Psalm 78:33

Rhunmwuda ọnii, ọ keghi fian iran ẹdagbọn uan, zẹ vbe uhiọnrọnmwẹ, kevbe arrọ ọghe iran vbe uwu ekpainkpain.

Psalm 88:15

Ke ẹghẹ ọvbokhan mwẹ gha dee, I sẹ usẹ ne ọ sikẹ uwu, te I ghi kuagha, rhunmwuda ihẹ ọghe oya ne u rrio mwẹ re.

Ebe ne Pọl gbẹẹn gie emwa Rom 9:2

U miẹn vbene I khiẹ hẹ, u miẹn vbene ekhọe mwẹ vuọn ne orriara ne ẹ i fo hẹ rhunmwuda emwa mwẹ ne ima gba re egbe ọkpa kevbe esagiẹn ọkpa.