Psalm 30:4 - Edo Bible (E Baibol Ẹdo) Version 1996

⁴ Wa so ihuan urhomwẹ ghe Nọyaẹnmwa, wa ne emwa rẹn ni gia mu ẹtin yan. Wa yerre, emwi ne Ne ọ huanrẹn Nii ru ne uwa rhie ekpọnmwẹ ne ẹẹn.

Psalm 30:4 ပူးပေါင်းရင်းမြစ်များ

I Krọnikol 16:4

E Devid keghi zẹlẹ eso vbe uwu avbe e Livai ne iran ru ugamwẹ e Nọyaẹnmwa ne Osanobua Izrẹl vbe odaro Ẹkpẹti Ile nii, vbe ekpa ne iran gha na gha so ihuan rho ẹre.

Psalm 107:20

Ọ kha ẹmwẹ ya mu iran egbe rran, ọ keghi sinmwi iran hin idin rre.

Psalm 132:9

Te avbe ohẹn ruẹn ghaa ru vbene ọ ke yi vbe ẹghẹ hia, te avbe emwa ruẹn gha a wee ne oghọghọ.

Psalm 148:14

Ọ ye ẹvbo ẹre khian ne ọ wegbe, sẹrriọ wẹ te emwa rẹn hia rho ẹre, avbe ivbi Izrẹl, ni ghan ne ẹẹn ẹsẹse. Wa rho e Nọyaẹnmwa!

Psalm 28:1

E Nọyaẹnmwa ugue mwẹ, mẹ tu tie ruẹ. Họn urhu eve mwẹ a deghẹ u ma zẹ yọ mwẹ re, mẹ gha do ye vbe iran ni tuorre rriẹ ẹvbo ne iran ni wulo nẹ ye.

Psalm 32:11

Wa gha ghọghọ, ne uwa vbe gha sọyẹnmwẹ wa ne ẹmwata rhunmwuda, iwinna ne Nọyaẹnmwa winna ẹn. Wa ni họn ẹmwẹ ne ẹẹn, wa gha we ne oghọghọ.

Psalm 50:5

Rẹn keghi kha wẹẹ, “Wa si avbe emwa ni guobọ mwẹ koko ye ehe ne I ye, iran ni zọ ese ya gun mwẹ ta ile.”

Psalm 86:13

U miẹn vbe ahoẹmwọmwa ruẹn ne ẹ i beghe kpọlọ ghe mwẹ hẹ! U yuo mwẹ hin idin tobọ ẹre rre.

Psalm 97:12

Wa gha ghọghọ, wa ne ẹmwata hia; rhunmwuda iwinna ne Nọyaẹnmwa winnaẹn! Wa ye iwinna ne Osanobua ne ọ huanẹn winna ẹn rre, ne uwa vbe gha kpọnmwẹ ọẹn.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Arhie Maan 4:8

Ọkpọkpa vbe uwu avbe emwi ne a yi ni ma he wu ni, keghi mwẹ ifuẹn ehan, aro keghi vuọn iran egbe hia ke aro kevbe iyeke, iran i vbe da obọ ihuan ne iran so yi avan kevbe asọn wẹẹ: “Ne ọ huanrẹn, ne ọ huanrẹn, ne ọ huanrẹn, ọre Osanobua ne Oghodua khin. Ọmwa ne ọ ka rrọọ de, ne ọ rrọọ banbanna, kevbe ne ọ khian gha rrọọ vbe ẹghẹ ne ọ dee.”

I Samuẹl 2:6

E Nọyaẹnmwa ọ re ọ gbe, rẹn ọ vbe huẹn. Rẹn ọ re ọ gie emwa yo ẹvbo eni wulo nẹ. Ọ ghi vbe dọlegbe viọ iran gha dee.