Psalm 30:12 - Edo Bible (E Baibol Ẹdo) Version 1996

¹² Rhunmwuda ọnii, mẹ i ra hunwan I gha so ihuan urhomwẹ ghe ruẹ e Nọyaẹnmwa, wẹ ọrọre Osanobua mwẹ I gha rhie ekpọnmwẹ ne uẹn rhinrin ẹdẹ.

Psalm 30:12 ပူးပေါင်းရင်းမြစ်များ

Gẹnẹsis 49:6

Mẹ i ra mwẹ obọ vbe uma ẹkhokho iran mẹ i ra yo iko ne iran ko rhunmwuda, iran gbele emwa vbe ohu mu iran, iran keghi kun avbe ẹkhuia ẹmila use ya gha gbogiẹ.

Ẹsta 8:16

Ẹko avbe Ju keghi vuọn ne oghọghọ ọghe a fe vbe iwe, ọyẹnmwẹ kevbe akhọnmiotọ.

Ẹsta 9:22

Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.

Psalm 13:6

I gha so ihuan rho ruẹ Nọyaẹnmwa, rhunmwuda, u ma mẹ gbe.

Psalm 145:2

Mẹ gha kpọnmwẹ ọn ẹdẹgbegbe, I gha rho ruẹ ẹdẹ kevbe ẹdẹdẹmwẹdẹ.

Psalm 16:9

Rhunmwuda ọnii, I kpọnmwẹ, I keghi vbe ghọghọ, ekhọe wa sẹ mwẹ otọ ẹsẹse

Psalm 44:8

Ma gha rho ruẹ vbe ẹghẹ hia ma ghi vbe gha rhie ekpọnmwẹ nuẹn rhinrin ẹdẹ.

Psalm 57:8

Rhiọrre wẹ ne orhiọn mwẹ wa rhiọrre, ukusẹ kevbe akpata, I gha huẹn owẹn vbe ovbe.

Psalm 71:14

Mẹ gha mwẹ idaehọ, vbe uwu uwẹ rhinrin ẹdẹ.

Psalm 71:23

I gha wee uwemwẹ oghọghọ vbe ẹghẹ ne I ya kpe emwi nuẹn I gha ya ẹtin mwẹ hia so ihuan, rhunmwuda, wẹ miẹn mwẹ fan nẹ. I gha dọlegbe gha rho ruẹ sayọ.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Iyẹn ne ọ Maan Ọghe Luk 19:40

Jesu wanniẹn wẹẹ, “Ne I tama uwa, a deghẹ iran hunwan, avbe okuta tobọ iran gha mu go.”

Iwinna 4:20

Rhunmwuda, ẹ i gie ima ru wẹ emwi ne aro ima sẹe nẹ, ehọ mwa vbe họn ẹn nẹ, ne a ghẹ ghi ta ẹe ladian.”

Arhie Maan 7:12

Iran wẹ, “Isẹ! Ọghe Osanobua mwa ọre urhomwẹ, uyi, ẹwaẹn, ekpọnmwẹ, ọghọ ẹtin kevbe ẹrhiọn khin, ẹdẹ kevbe ẹdẹdẹmwẹdẹ Isẹ!”