Psalm 30:1 - Edo Bible (E Baibol Ẹdo) Version 1996

¹ I rho ruẹ Nọyaẹnmwa, rhunmwuda u miẹn mwẹ fan nẹ, u ma gie avbe eghian mwẹ ghọghọ mwẹ.

Psalm 30:1 ပူးပေါင်းရင်းမြစ်များ

II Samuẹl 20:3

Ẹre Devid na la ẹguae ẹre vbe Jerusalẹm, ọ keghi viọ avbe egbakhian igbe ne ọ sẹrae ne ọ gha gbe aro ghe ẹguae, ọ na viọ ye igbedia. Ọ kegha koko iran, sokpan, ọ ma gu iran ru emwi ọdọ vbe amwẹ. Ọ keghi wa mu iran ye igbedia vbe ẹdẹ agbọn iran, zẹ vbe ikhuo ni dẹgbẹ.

II Samuẹl 24:25

Ọ keghi gba aka ye evba ne Nọyaẹnmwa, ọ na zọ ese ne a giẹn uan kevbe isara. E Nọyaẹnmwa keghi họn erhunmwu ẹnrẹn, egboghogbogho nii keghi dobọyi vbe Izrẹl.

II Samuẹl 5:11

E Hiram ne Ọba e Taia keghi gie avbe ukọ ẹvbo mu ẹki bu e Devid, ọ na viọ erhan igẹdu gie ẹe, kevbe avbe owinna, kevbe igbokuta, ne iran ya bọ ẹguae ẹre ne ẹẹn.

II Samuẹl 6:20

E Devid keghi dọlegbe gha rrie owa ya tuẹ emwa rẹn. E Mikal ne ovbi e Sọl nokhuo keghi ya khian vba ẹre, ọ tama rẹn wẹẹ, “Ọba Izrẹl wa vbe mu eni ne ọ hin usi ne egbe ẹre ẹrẹna. Ọ na wa bannọ egbe ua ye otọ zẹ vbe ọzuọ vbe odaro eguọmwadia ni ikhuo ọghe avbe emwa ni rre asẹ vbe ototọ ẹre.”

II Samuẹl 7:2

Ẹre ọba na tama e Natan ne akhasẹ wẹẹ, “Ghe, mẹ rre owa ne a ya sida bọ, sokpan, Ẹkpẹti Ile ọghe Osanobua rre uwu owa ukpọn.”

I Ọba 8:63

Ọ keghi ya ẹkhuia ẹmila arriaisẹn eva yan ugie (22,000) zọ ese kevbe ohuan arriaisẹn iyehan (120,000) zẹ vbe ọghe isara. Erriọ ọ re ọba kevbe emwa nii hia na ya Ọgua Osa fi ohan ne a na gha ga e Nọyaẹnmwa.

I Krọnikol 21:6

Rhunmwuda ighẹ e Joab ma yobọ ye emwi ne ọba ru na, ọ ma ka emwa Livai kevbe Bẹnjamin.

Psalm 13:4

Ghẹ gie avbe eghian mwẹ kha wẹẹ, “Ma gbẹe fua nẹ.” Ghẹ gie iran gbe ọvẹ yan udemwẹ mwẹ.

Psalm 140:8

Nọyaẹnmwa, ghẹ rhie emwi ne ọmwa dan ho ne ẹẹn, ghẹ gie uma dan ni iran si gba ne iran.

Psalm 145:1

I gha ta ọta ukpọlọmwẹ ruẹn, Osanobua mwẹ kevbe ọba mwẹ, I gha kpọnmwẹ uwẹ ẹdẹ kevbe ẹdẹdẹmwẹdẹ.

Psalm 25:2

Osanobua mwẹ, wẹ ọ re I mu ẹtin yan. Miẹn mwẹ fan hin obọ; efaa ọghe a mu ọmwa gbotọ, ghẹ gie avbe eghian mwẹ ghọghọ mwẹ.

Psalm 27:6

Erriọ ọ re I gha na khọnmiotọ vbe uhunmwu avbe eghian mwẹ ni lẹga mwẹ. I gha ya urhu oghọghọ ne ọ la zọ ese vbe uwu Ọgua Osa ẹre. I gha so ihuan, I gha rho e Nọyaẹnmwa.

Psalm 28:9

Miẹn emwa ruẹn fan Nọyaẹnmwa ne u vbe fiangbe emwa ni re ọwuẹ. Gha re ọsuohuan iran, ne u vbe gha gbearoghe iran ẹdẹdẹmwẹdẹ.

Psalm 35:19

Ghẹ gie iran ne eghian mwẹ, avbe ọhọn ohoghe nii, ghọghọ mwẹ wẹ obọ vba mwẹ. Ghẹ gie iran ni khuiwu mwẹ vbe ai mwẹ otọ, ye igiogio gbe mwẹ ye akhiẹ mwẹ.

Psalm 41:11

Obọ iran i ra ke ukhunmwu mẹ, ẹghẹ nii, me ghi rẹn wẹ, ẹko ruẹ rhiẹnrhiẹn ghe mwẹ.

Psalm 66:17

I kpe tie ẹre wẹ ne ọ yọmwẹ obọ, I ye ihuan rho ẹre.

Psalm 79:10

Vbọzẹ ne avbe uhunmwu ẹvbo gha na gha nọ ima wẹẹ, “Osanobua uwa vbọ?” Gie ima bẹghe ẹre vbe u rri avbe uhunmwu ẹvbo nii oya, rhunmwuda ne iran na gbe esagiẹn emwa ruẹn ye otọ.

Psalm 79:4

Avbe ẹvbo ni lẹga mwa gha tie ihẹn ne ima. Iran gha giẹ ima iran gha ya ima gbe ogiẹ.

Eve Orriara 2:15

Emwa ni la ore ẹvbo nii gberra ghi gha ghe ruẹ sọnnọsọnnọ iran ghi fieghe uhunmwu iran ghi gha giẹ udemwẹ e Jerusalẹm wẹẹ, “Ẹvbo olose nii ọna gele khin ra? Emwi ne otagbọn hia ya ghan ọna khin ra?”

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Diuteronomi 20:5

“Ẹghẹ nii, avbe ekaolotu ghi do gu emwa nii guan wẹẹ, ‘Arhin eso rre emwa na ra ne ọ bọ owa ne ọ ma he kie ẹre? A deghẹ ọ rrọọ, ọ sẹtin gha rrie. Ne a ghẹ miẹn wẹ, a gha gbe ẹe vbe okuo ọmwa ọvbehe ọ re ọ ghi ya kie owa ẹre.