Psalm 3:4 - Edo Bible (E Baibol Ẹdo) Version 1996

⁴ I kpe tie Nọyaẹnmwa ne iyobọ. Ọ keghi wanniẹn mwẹ ẹmwẹ, ke oke ne ọ huanrẹn ọghọe gha dee.

Psalm 3:4 ပူးပေါင်းရင်းမြစ်များ

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

Psalm 119:114

Wẹ ọrọre ne ọ gbinna mẹ, ke ne ọ degue mwẹ, uwu eyan ruẹn ọ re I na mwẹ idaehọ.

Psalm 138:3

U zẹ ẹmwẹ wanniẹn mwẹ vbe I kpe tie ruẹ, u keghi ya ẹtin ruẹn, rhie ẹtin yọmwẹ iwu.

Psalm 18:3

I tu tie Nọyaẹnmwa, ọ keghi fan mwẹ vbe obọ avbe eghian mwẹ. Wa rho e Nọyaẹnmwa.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 27:6

Erriọ ọ re I gha na khọnmiotọ vbe uhunmwu avbe eghian mwẹ ni lẹga mwẹ. I gha ya urhu oghọghọ ne ọ la zọ ese vbe uwu Ọgua Osa ẹre. I gha so ihuan, I gha rho e Nọyaẹnmwa.

Psalm 28:7

E Nọyaẹnmwa degue mwẹ, ọ vbe gbinna mẹ I mu ẹtin yan rẹn. Ọ yọmwẹ obọ, ọ keghi ya ọyẹnmwẹ sẹ mwẹ, I gha so ihuan oghọghọ rho ẹre.

Psalm 34:4

I na erhunmwu ghe Nọyaẹnmwa, ọ keghi zẹ ẹmwẹ wanniẹn mwẹ; ọ kevbe fan mwẹ ye otọ vbe obọ ohan, ne ọ te mu mwẹ hia.

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Psalm 43:3

Gie uwanmwẹ ruẹn, kevbe ẹmwata ruẹ, ne iran gha su mwẹ khian ne iran dọlegbe rhie mwẹ gha die Oke Zaiọn oke ne ọ huanrẹn ruẹn. Kevbe Ọgua Osa ruẹ ehe ne uwẹ dia.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 62:8

Wa ne emwa mwẹ, wa mu ẹtin yan Osanobua vbe ẹghẹ hia, wa ta enegbe uwa hia ma rẹn, rhunmwuda rẹn ọrọre ugue ne ima.

Psalm 84:12

Osa ne Oghodua, afiangbe ọghe iran ni mu ẹtin yan ruẹn.

Psalm 89:19

Vbe ẹghẹ ne ọ kpee fua, u tama eguọmwadia ruẹ ni guobọ ruẹ vbe aro umian wẹẹ, “Mẹ rhie iyobọ ne ovbiyokuo ne ọ hin usi nẹ I vbe mu ẹkete nii ne ọmwa ne I hannọ zẹ, vbe uwu avbe emwa nii nẹ.

Psalm 91:15

Iran gha kpe tie mwẹ, I gha yaba iran vbe iran a gha rre uwu ibaro. I gha miẹn iran fan I gha vbe ye ọghọ ne iran.

Psalm 99:9

Wa rho e Nọyaẹnmwa ne Osanobua mwa, wa vbe ya ga vbe oke ẹre Ne ọ huanrẹn! Ọmwa ne ọ huanrẹn, ọ re Nọyaẹnmwa ne Osanobua mwa khin.

Itan 2:7

Ọ rhie iyobọ kevbe ugue ne iran ne ẹmwata ne ẹ i zẹ ibeleku.

Aizaia 65:24

Iran te na erhunmwu fo, erhunmwu iran mẹ họn nẹ.

Eve Orriara 3:56

I ghi vbe rinmwian wẹ ne u zẹ yọ mwẹ re, u keghi họọn.

Matiu 7:7

“Nọọn, ọ gha suọ obọ, gualọ, u gha miẹn, sobọ, a gha kie nuẹn.

Jems 5:13

Orhiọnkpa rre uwu ọlọghọmwa vbe uwu uwa ra? Wẹ ne ọ na erhunmwu.