Psalm 29:11 - Edo Bible (E Baibol Ẹdo) Version 1996

¹¹ E Nọyaẹnmwa ọ re ọ rhie ẹtin ne emwa rẹn, ọ keghi ya ọfumwegbe fiangbe iran.

Psalm 29:11 ပူးပေါင်းရင်းမြစ်များ

Psalm 138:3

U zẹ ẹmwẹ wanniẹn mwẹ vbe I kpe tie ruẹ, u keghi ya ẹtin ruẹn, rhie ẹtin yọmwẹ iwu.

Psalm 37:11

Sokpan avbe ọmẹhẹ ọ re ọ ra yan otọe nii iran ghi vbe gha ye ọfumwegbe zọmọ vbe uwu ẹre.

Psalm 68:35

Wẹ miẹn vbe Osanobua muohan hẹ vbe ọ die owa ẹre nọhuanrẹn Osanobua Izrẹl! Ọ rhie iwegbe kevbe ẹtin ne emwa rẹn! Wa rho e Nọyaẹnmwa!

Psalm 72:3

Te otọe nii gha miẹn ọmaa rhie vbene iran gha na gha mwẹ ẹfe te iran gha vbe mwẹ oghae ẹmwata.

Psalm 72:7

Te uyinmwẹ ẹmwata gha muan yọ vbe ẹghẹ ọre, te ẹfe gha kpee vbe otọ la ẹghẹ ne uki gha ba la.

Psalm 84:7

Vbene iran ya nana sikẹ odaro, erriọ orhiọn ya la iran iwu. Iran gha miẹn Osanobua, ne ọ yan avbe osa hia, vbe uhunmwu e Zaiọn.

Psalm 85:10

Ahoẹmwọmwa kevbe aguobọ egbe gha miegbe, ẹmwata kevbe ọfumwegbe gha mu egbe dede.

Psalm 85:8

I gha danmwehọ ẹmwẹ ne Nọyaẹnmwa ne Osanobua guan ọ ve ima ne emwa rẹn ọfumwegbe, a deghẹ ma ma dọlegbe gha rriẹ odẹ ukọnmwẹ ima.

Aizaia 26:12

Nọyaẹnmwa, u gha gie agbọn ma mwa, emwi ne ima ru ne ọ dunna ne ima hia, emwi ne ọ ke uwu emwi ne uwẹ ru mẹ rre nọ.

Aizaia 40:29

Rẹn ọ re ọ rhie ẹtin ne iran ne ẹtin fo kevbe ne egbe wọre.

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

Zẹkaraia 10:6

“I gha ru ẹe ne ivbi e Juda wegbe; I gha fannọ ivbi Izrẹl vbe irri, I gha tohan iran, I ghi viọ ehia werriegbe rri owa. Iran ghi do yevbe emwa ne I ma he ka he fua ẹdẹ. Mẹ ọrọre Nọyaẹnmwa ne Osanobua iran, I gha họn erhunmwu iran.

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Iyẹn ne ọ Maan Ọghe Jọn 16:33

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

I Kọrinti 1:3

Te Osanobua ne Erha mwa, kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Ẹfisọs 2:17

Rhunmwuda ọnii, Kristi rre, ọ keghi do kpe orhu Iyẹn Ne ọ maa ọghe ọfumwegbe ma emwa hia, ma uwa ne ẹ i re Ju, wa ni te khian rrei vbe ehe ne Osanobua ye, kevbe ima ne avbe Ju ni sikẹ ọre.

Ẹfisọs 3:16

I ghi rinmwian Osanobua wẹ, vbe ekpa ukpọlọmwẹ uyi ẹre, ne ọ la ekpa Orhiọn ẹnrẹn rhie ẹtin ne uwa ne uwa ya wo vbe egbe vbe uwu egbe uwa.

II Tẹsalonaika 3:16

Nọyaẹnmwa tobọ ẹre, ne ọre isi ehe ne ọfumwegbe mwa ke rre, ne ọ rhie ọfumwegbe ne uwa vbe ẹghẹ hia kevbe odẹ hia, Nọyaẹnmwa ne ọ yaba uwa hia.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Arhie Maan 1:4

E Jọn ọre ọ gie uhunmwu na gie avbe esọsi ihinrọn ni rre otọ Esia. Ẹsọhẹ kevbe ọfumwegbe ọrọre ọghe uwa ke ehe ne Osanobua ye gha dee, Ọmwa ne ọ rrọọ banbanna, ọmwa ne ọ ka gha rrọọ yi ke ne ọ khian vbe gha rrọọ, kevbe ke ehe ne avbe orhiọn ihinrọn ni rre odaro ẹkete ẹre ye ghe dee.