Psalm 28:4 - Edo Bible (E Baibol Ẹdo) Version 1996

⁴ Rria iran ikhi ye emwi ne iran ru, kevbe emwi dan ne iran ru, rria iran ikhi ye emwi ne iran ru hia ru iran emwi ne ọ ma iran!

Psalm 28:4 ပူးပေါင်းရင်းမြစ်များ

II Samuẹl 3:39

A gha rhe miẹn wẹ mẹ ọrọre ọba ne Osanobua hannọ zẹ, egbe wa wọ mwẹ yotọ ẹrẹna. Ẹtin mwẹ isẹ ẹmwẹ ọkpankpan ivbi Zeruaia na. Te Nọyaẹnmwa gha ru avbe izigan na emwi ne ọ ma iran.”

Ẹzra 9:13

“Ma rhe miẹn emwi ne ọ rruan mwa zẹ vbe emwi ne a ya rri ima oya ye orukhọ mwa, ma rẹnrẹn wẹ, we ne Osanobua mwa ma rri ima oya sẹ zẹ vbene ọ te khẹ ke mwa, ne u na gie ima ye gha rre agbọn.

Psalm 103:10

Ẹ i rri ima oya ne ọ ma mwa, ra ne ọ ru ima emwi ba ẹmwẹ orukhọ kevbe abakuru mwa.

Psalm 21:10

Ọkpa ne ọ gha miẹn uhunmwu vbe ivbi uniẹn iran i rrọọ. Ọba gha gbele iran hia a fẹẹrẹ.

Psalm 5:10

Bu abe gbe iran, ne u vbe rri iran oya Osanobua, uma ne iran si ọ re ọ gha gbe iran uhunmwu. Khulo iran hin ehe ne u ye rre, rhunmwuda orukhọ iran nibun kevbe ne iran na sọtẹ ruẹ.

Psalm 62:12

Kevbe wẹ aho irẹn i beghe. Nọyaẹnmwa, wẹ ọ re ọ tobọruẹ hae ne dọmwadẹ ọghọe vbene iwinna rẹn khare.

Eve Orriara 3:64

“Rri iran oya ye emwi ne iran ru Nọyaẹnmwa.

Ezikiẹl 38:10

Ẹmwẹ ne Nọyaẹnmwa ne Udazi tama e Gọg ọ re ọ ọna khin, “Ọ gha ghi sẹ ẹghẹ nii, u gha suẹn gha mwamwa emwamwa dan vbe ẹko ruẹ.

Ebe ne Pọl gbẹẹn gie emwa Rom 11:22

Emwa na ọre ima na rẹn vbene Osanobua fu hẹẹ kevbe vbene ọ vbe khọ hẹẹ, ọ keghi khọ mu iran ni dele, ọ keghi fu ne uwa a deghẹ uwa gba ọghọ ufumwẹ ọnrẹn ginna egbe, sokpan deghẹ wa ma ru vberriọ, a gha vbe giagia uwa kua.

II Timoti 4:14

Emwi ne ọ ru mwẹ re ima ighẹ Alẹkzanda ne ogun ẹrọnmwọ. E Nọyaẹnmwa gha vbe ha ẹre osa emwi ne ọ ru.

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.

Arhie Maan 22:12

Jesu wẹẹ, “Danmwehọ, I dee ẹgiẹgiẹ! I gha viọ emwi ne I ya san ẹse rre ne I viọ ne dọmwadẹ ọghọe vbene iwinna rẹn khare.