Psalm 28:2 - Edo Bible (E Baibol Ẹdo) Version 1996

² Họn urhu mwẹ vbe imẹ a gha tu tie ruẹ nọ iyobọ. Vbe I gha viọ obọ mwẹ da ukhunmwu ghe Ọgua Osa ruẹ ne ọ huanrẹn.

Psalm 28:2 ပူးပေါင်းရင်းမြစ်များ

I Ọba 6:19

A keghi vbe bọ ovbi ughugha ye odẹ ufomwẹ Ọgua Osa nii, ehe ne a gha mu Ẹkpẹti Ile ọghe Nọyaẹnmwa yi.

I Ọba 6:5

A keghi vbe bọ fiante ekẹn ọnrẹn vbe orere, vbe asefẹn kevbe iyeke Ọgua Osa, ọ kegha re omuyan eha, ọkpọkpa vbọ kegha re ibata ihinrọn vbe ukhiọnmwẹ vbe uyomwẹ.

I Ọba 8:38

u ghi danmwehọ erhunmwu iran. A deghẹ ọmwaikọmwa vbe uwu ivbi Izrẹl ne emwa ruẹn ighẹ emwi na ba so ẹe vbe ekhọe, iran na niẹn obọ da Ọgua Osa na na erhunmwu,

II Krọnikol 6:13

(E Solomọn vbe ya oze ru eteburu ne a mudia yan ọ keghi mu ẹẹn ye adesẹ ẹghodo, ukpọlọmwẹ ọnrẹn kegha re omwa ibata erẹnrẹn vbe igie enenẹ vbe ne ọ na vbe re omwa ibata isẹn vbe uyomwẹ, ọ keghi hin eteburu nii, ọ na diguẹ yọ vbe ehe ne emwa hia gha na gha bẹghe ẹre, ọ keghi viọ obọ da odukhunmwu ne ọ na erhunmwu.)

Psalm 125:5

Sokpan, u gha rria iran ne emwa dan ikhi u ghi vbe rria iran ni yangbe odẹ ruẹ ikhi. Ọfumwegbe gu Izrẹl rrọọ!

Psalm 130:2

Nọyaẹnmwa, họn eve mwẹ, họn vbene I tu nọ iyobọ hẹ.

Psalm 134:2

Wa viọ obọ da odukhunmwu na erhunmwu vbe Ọgua Osa, ne uwa rho e Nọyaẹnmwa.

Psalm 138:2

Mẹ werriẹ aro da Ọgua Osa ruẹ ne ọ huanrẹn, I vbokho egbe rriotọ, I kevbe rho eni ruẹn, rhunmwuda ahoẹmwọmwa ruẹn ne ẹ i beghe, kevbe ẹmwata ruẹ, rhunmwuda, we rhie maa nẹ wẹ, eni ruẹn kevbe iyi ruẹ, ne ẹ i mwẹ ihegbe nọ.

Psalm 140:6

Mẹ tama Nọyaẹnmwa wẹẹ, “Wẹ ọrọre Osanobua mwẹ.” Họn utumwẹ ne I ya nọ iyobọ Nọyaẹnmwa!

Psalm 141:1

I kpe tie ruẹ Nọyaẹnmwa, yọmwẹ obọ nian! Danmwehọ mwẹ vbe I a gha kpe tie ruẹ.

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Psalm 143:6

I viọ obọ mwẹ da odukhunmwu na erhunmwu ghe ruẹ, ovbamẹ ruẹn gbe ekhọe mwẹ, zẹ vbe otọe ne ọ kae.

Psalm 5:7

Sokpan, rhunmwuda ahoẹmwọmwa ruẹn nọkhua, mẹ gha sẹtin gha die uwu owa ruẹ. I gha sẹtin ga, vbe uwu ọgua Osa ruẹ ne ọ huanrẹn, mẹ ghi vbe ya ọghọ ghughẹrre nuẹn.

Psalm 63:4

I gha rhie ekpọnmwẹ nuẹn vbe ẹghẹ ne I gha tọn obọ mwẹ mu na erhunmwu ghe ruẹ.

Eve Orriara 2:19

Wa gha kpaegbe yan egbe yan egbe vbe asọn ne uwa datie Nọyaẹnmwa; wa hihiẹ ekhọe uwa ladian ne uwa nọ rẹn wẹ ne ọ tohan ivbi uwa. Avbe emọ ne ohanmwẹ gbele ua lele adesẹ ore ẹvbo!

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Daniẹl 6:11

Ugbẹn vbe avbe eghian Daniẹl ghi miẹn ọẹn vbe ọ na erhunmwu ghe Osanobua.

I Timoti 2:8

I ho ne ikpia hia gha na erhunmwu vbe ehe hia, emwa ni ye egbe yan Osanobua, emwa ni gha sẹtin viọ obọ iran da odukhunmwu vbe ne a i na mu ohu kevbe ne a i na muan ẹmwẹ.