Psalm 27:9 - Edo Bible (E Baibol Ẹdo) Version 1996

⁹ Ghẹ rhie egbe lẹre mẹ ghẹ muohu mwẹ, ghẹ khu ọguọmwadia ruẹ werriegbe, wẹ ọrọre ne ọ yọmwẹ obọ de ẹdẹ, ghẹ sẹ mwẹ rae, ghẹ fi iyeke gbe mwẹ, Osanobua ọmiọnmwafan mwẹ.

Psalm 27:9 ပူးပေါင်းရင်းမြစ်များ

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

Psalm 102:2

I gha rre uwu ọlọghọmwa, ghẹ fi iyeke gbe mwẹ! U ghi danmwehọ mwẹ, ne u zẹmwẹ wanniẹn mwẹ ẹgiẹgiẹ vbe I a gha tie!

Psalm 102:3

Agbọn mwẹ wa hoho ua khian vbe ighogho, ikinnegbe mwẹ wa giẹn vbe erhẹn.

Psalm 119:121

Mẹ ru nọgbae kevbe nọkere nẹ, ghẹ sẹ mwẹ rae ye avbe eghian mwẹ obọ.

Psalm 13:1

Inu ẹghẹ u ghi ra ye mianmian mwẹ la yi Nọyaẹnmwa? Ẹdẹdẹmwẹdẹ nọ ra? Inu ẹghẹ u ghi ra ye rhie aro lẹ mẹ la?

Psalm 143:7

Zẹ ẹmwẹ wanniẹn mwẹ nian, Nọyaẹnmwa, egbe fu mwẹ nẹ, ghẹ ghi rhie aro lẹre mẹ ne I ghẹ do ya khian okpa vbe uwu iran, ni tuorre rrie ehe ne iran ni wulo nẹ ye.

Psalm 24:5

E Nọyaẹnmwa gha fiangbe iran, ọ ghi vbe miẹn iran fan. Osanobua gha kha ighẹ iran ma rria abe.

Psalm 44:24

Vbua ghi na rhie aro lẹre ne ima hẹ yi? Ghẹ mianmian oya kevbe ukpokpo mwa.

Psalm 51:11

Ghẹ kan mwẹ fua hin ehe ne u ye rre ghẹ vbe miẹn mwẹ orhiọn ne ọ huanrẹn ruẹn.

Psalm 69:17

Ghẹ rhie egbe lẹre ne ọguọmwadia ruẹ, uwu ibaro nọkhua ọre I ye na, zẹ ẹmwẹ wanniẹn mwẹ nian.

Psalm 69:18

Bu mwẹ gha dee ne u do miẹn mwẹ fan, rhan mwẹ ye otọ hin obọ avbe eghian mwẹ rre.

Psalm 88:1

E Nọyaẹnmwa Osanobua ọmiọnmwafan mwẹ te I wa tu ne ebi ro, ọ ghi sẹ asọn, I keghi bu ruẹ gha dee.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Aizaia 59:2

Orukhọ uwa ọ re ọ sii ẹe ne ẹ i na zẹ ye uwa ẹre. Orukhọ uwa ọ re ọ wannọ uwa hin ehe ne Osanobua ye rre vbe uwa a te gha ho ne uwa ga ẹe.

Jerimaia 32:40

I gha gu iran ta ile etẹbitẹ. Mẹ i ra dobọ emwi esi ne a ru ne iran yi ẹdẹdẹmwẹdẹ, I gha vbe ru ẹe ne iran ya ekhọe iran hia gha mu ohan mwẹ, ne iran ghẹ ghi fi iyeke gbe mwẹ ẹdẹ.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”

I Samuẹl 7:12

Ẹre Samuẹl na mu okuta ọkpa, ọ keghi mu ẹẹn ye ẹkpo Mizpa kevbe Siẹn, ọ wẹẹ, “Te Nọyaẹnmwa wa yi ima obọ ke ẹghẹ ni gha dee.” Ọ na rhunmwuda onii gha tie ẹre “Okuta Iyobọ.”