Psalm 27:3 - Edo Bible (E Baibol Ẹdo) Version 1996

³ Ọ gha khọn rẹn wẹ, te okuo ghae ga mwẹ, afianma i ra fianmwẹ, ọ gha khọn avbe eghian, wẹ ne iran dekun mwẹ, te imẹ gha ye mu ẹtin yan Osanobua.

Psalm 27:3 ပူးပေါင်းရင်းမြစ်များ

II Krọnikol 20:15

E Jahaziẹl keghi kha wẹẹ, “Umogun, ke uwa hia fẹẹrẹ ne ivbi e Juda kevbe Jerusalẹm, e Nọyaẹnmwa wẹ ne uwa ghẹ gie afianma fian uwa ra ne ẹtin fo uwa ne uwa ya gu ivbiyokuo ni bun na gbinna, ohọ Osanobua ọ re ẹmwẹ okuọ na ye ighẹ ẹ i re obọ uwa.

Job 4:6

U ga Osanobua, uyinmwẹ ruẹn ma vbe gha mwẹ okan. Rhunmwuda ọnii, ọ kere ne u gha mwẹ ekhọe ne ọ sotọ kevbe idaehọ.

Psalm 112:7

Afianma iyẹn dan i fian ẹẹn, iyayi ẹre deziẹn e Nọyaẹnmwa rẹn mu ẹtin yan.

Psalm 3:6

Ohan iran i mu mwẹ ighe avbe eghian mwẹ arriaisẹn, ni ghae lẹga mwẹ vbe odẹ hia.

Psalm 3:7

E Nọyaẹnmwa, larre! Osanobua mwẹ do miẹn mwẹ fan. Rri avbe eghian mwẹ hia oya ne iran ghẹghi sẹtin kuan mwẹ egbe ọvbehe.

Psalm 52:6

Emwa ẹmwata gha miẹn ọna; ohan ghi mu iran iran ghi gha giọọ, iran ghi kha wẹẹ,

Filipai 1:28

Wa ghẹ gie ohan eghian uwa mu uwa, wa gha mwẹ udinmwẹ vbe ẹghẹ hia, ọna ghi gie iran rẹn wẹ, te uwa ra khọn miotọ vbene iran ra na gbe kuẹn, rhunmwuda Osanobua ọ re ọ ra rhie akhọnmiotọ ne uwa.

I Pita 3:14

Sokpan, gie a kha ighẹ te uwa gele rri oya ye ẹmwẹ emwi esi ne uwa ru, ọma kaan uwa! Wa ghẹ fian afianma ọmwa rhọkpa, wa ghẹ vbe si osi.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.

I Samuẹl 19:8

Okuo keghi vbe dọlegbe saa ne ivbi e Filistin. E Devid keghi dekun iran, obọ ẹre keghi ke ukhunmwu ne iran sẹ vberriọ wẹ, iran keghi lẹkua hin ehe ne ọ ye rre.