Psalm 27:11 - Edo Bible (E Baibol Ẹdo) Version 1996

¹¹ E Nọyaẹnmwa, ma mwẹ emwi ne u ho ne I ru, ne u vbe rhie mwẹ la odẹ ne ẹbe i ye, rhunmwuda, eghian ne I mwẹ wa bun.

Psalm 27:11 ပူးပေါင်းရင်းမြစ်များ

Psalm 119:10

Mẹ hia ne I ye ekhọe mwẹ hia gha ga a; ghẹ gun mwẹ de iyi ruẹ.

Psalm 139:24

Gualotọ ẹre miẹn, a deghẹ emwi dan rre uwu imẹ, ne u su mwẹ la odẹ etẹbitẹ.

Psalm 25:12

Iran ni họn ẹmwẹ ne Nọyaẹnmwa, gha ruẹ emwi vbe ehe ne ọ ye odẹ ne ọ kere ne iran lele.

Psalm 25:9

Ọ su ọmẹhẹ, vbe odẹ ẹmwata, ọ kevbe ma iran iho ẹre.

Psalm 26:12

I fe vbe obọ ẹbe hia, I rho e Nọyaẹnmwa vbe uwu ẹbu iko emwa rẹn.

Psalm 5:8

E Nọyaẹnmwa, eghian ne I mwẹ wa bun. Su mwẹ ne I ru iho ruẹ, gie odẹ ruẹ rrie mẹ ne I lele ẹe gha khian.

Psalm 5:9

A i sẹtin mu ẹtin yan ẹmwẹ ne avbe eghian mwẹ ta. Ne a fuẹn emwi ruan ọre iran ho. Ẹmwẹ iran rhiẹnrhiẹn vbe ehọ, ọ vbe rriẹ. Sokpan, iran vuọn ne erẹrẹ ne ọ si uwu.

Psalm 54:5

Te Osanobua gha ya emwi dan iran, rri avbe eghian mwẹ oya, ọ gha fuẹn iran an, rhunmwuda, rẹn gia mu ẹtin yan.

Psalm 64:6

Iran gha si uma dan nẹ iran ghi kha wẹẹ, “Iba ne ọ defiọ fo, ọ re ima wa mwamwa ye otọ na.” Ọkpaodin ọ re ekhọe kevbe orhiọn ọmwa nagbọn khin.

Psalm 86:11

Nọyaẹnmwa, ma mwẹ emwi ne u ho ne I ru I gha họn ẹmwẹ ne uẹn kekhọekekhọe, ma mwẹ re ne I gha ga a, vbe ne I na wa mu aro yọ ẹsẹse.

Itan 15:19

U gha re ọmwa ne ọ si oroho, ọlọghọmwa ọ re u ra gha miẹn vbe ehe hia; sokpan, adeghẹ ọmwa esi ọ re u khin, u i vbe miẹn orueghe rhọkpa.

Itan 8:9

Te ehia wa ye gboo vbe aro ọmwa, ne ọ sẹtin ghe umian emwi. Te ehia wa zẹ ugbaro ladian, vbe aro ọmwa ne ọ rẹn emwi.

Aizaia 35:8

Odẹ ne gbodoo gha la evba, a ghi gha tie ẹre “Odẹ uhuanmwẹ.” Ọmworukhọ i ra la odẹ nii ẹdẹ akpa i ra bibi emwa ni lae odẹ.

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Iyẹn ne ọ Maan Ọghe Luk 20:20

Iran keghi rhunmwuda ọnii gha khẹ ẹghẹ ne ọ kere. Iran keghi rhie igho ne emwa eso ne iran mu akpa ọmwata yọ bu Jesu gha khian ya gualọ ẹre ẹmwẹ ne unu ne iran miẹn ehe na rhie ẹre yan asẹ kevbe ẹtin Ne ọ khaemwisẹ obọ.