Psalm 26:9 - Edo Bible (E Baibol Ẹdo) Version 1996

⁹ Ghẹ fuẹn mwẹ uan ba avbe emwa orukhọ. Ghẹ gie emwi ne ọ rruan izigha rruan mwẹ.

Psalm 26:9 ပူးပေါင်းရင်းမြစ်များ

II Samuẹl 16:7

E Simẹi keghi ya ihẹn yan rẹn, ọ wẹẹ, “Ladian mwa! Ladian mwa! Izigha! Ọrhiaẹvbo!

II Samuẹl 21:1

Ukhunmwu nọkhua ọkpa keghi do fi vbe ẹghẹ ne Devid na gha rre ẹkete, ikpiia gbalaka ọ re ọ wa ya vbe otọ. Ẹre Devid na nọ otọ ẹre vbe obọ e Nọyaẹnmwa, e Nọyaẹnmwa keghi kha wẹẹ, “E Sọl kevbe ẹgbẹe ọre diyi izigha, ọ gbele ivbi e Gibiọn rua.”

Psalm 139:19

Osanobua, vbọ rrọ akpawẹ u gha gbele emwa dan an; vbọrrọ akpawẹ emwa ọkhọ gha rhie obọ hin mwẹ ẹkun rre!

Psalm 51:14

Fi mwẹ yi Nọyaẹnmwa, ne u miẹn mwẹ fan, mẹ gha ya oghọghọ na iyẹn ẹmwata ruẹ.

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Malakai 3:18

Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

Matiu 24:51

Arowa ẹre gha giagia ẹre ukhiọnmwẹ ukhiọnmwẹ, ọ ghi ru ẹre emwi ne ọ ma ẹwobi. Evba ọ ra na ya gha viẹ, ọ ghi vbe gha rri akọn.

Matiu 25:32

A ghi do si emwa ni rre agbọn na hia si koko ye odaro ẹre. Rẹn ghi do wannọ iran ye oka eva zẹ vbene Ọsuohuan hannọ ohuan hin uwu ẹbu ẹwe rre.

Matiu 25:44

Ẹkpo nii iran ghi wanniẹn tama rẹn wẹẹ, ‘Nọyaẹnmwa, de ẹghẹ ne ima ya miẹn uẹn vbe ohanmwẹ gbuẹ ne ima ma na rhie evbare nuẹn, ra vbe ohanmwẹ amẹ gbuẹ, ra zẹ vbe erhunmwuyẹn ra vbe u rre irhunmwirhun ra vbe u khuọnmwi ra vbe u rre uwu eghan ne ima ma na ru iyobọ nuẹn?’

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

I Samuẹl 25:29

Adeghẹ ọmwaikọmwa vbe dekun ruẹn, ọ na wẹ rẹn ra gbe ua, e Nọyaẹnmwa, Osanobua ruẹ gha rhie ruẹ lẹre, zẹ vbene ọmwa rhie emwi ighobioye lẹre. Zẹ vbe ọghe avbe eghian ruẹn, vbene ọ rhirhi a gha ye hẹ, e Nọyaẹnmwa gha filo iran kua zẹ vbe ne ọmwa ye umọvọn filo okuta kua.