Psalm 26:7 - Edo Bible (E Baibol Ẹdo) Version 1996

⁷ Mẹ so ihuan ekpọnmwẹ I ghi vbe na iyẹn iwinna ọyunnuan ruẹn hia.

Psalm 26:7 ပူးပေါင်းရင်းမြစ်များ

I Krọnikol 16:24

Wa ta ẹmwẹ uyi ẹre ma uhunmwu ẹvbo hia kevbe iwinna rẹn nekhua ma avbe emwa hia.

Psalm 105:2

So ihuan urhomwẹ ghe Nọyaẹnmwa wa na iyẹn iwinna ọyunnuan ne ọ winna ẹn.

Psalm 118:19

Wa kie urho Ọgua Osa ye otọ mẹ I gha la uwu ẹre ne I ya kpọnmwẹ e Nọyaẹnmwa.

Psalm 118:27

E Nọyaẹnmwa ọrọre Osanobua ọ wa vbe ru ima ẹse dee ẹdẹ wa viọ abọ erhan mwẹ obọ ne uwa suẹn emwi ukpo nii ne uwa gbe ukpukpẹ lẹga ogiukpo.

Psalm 119:27

Ru iyobọ mẹ, ne I ya rẹn otọ uhi ruẹ, mẹ gha vbe gha mu emwi ọyunnuan ne u ma mwa re ro.

Psalm 134:2

Wa viọ obọ da odukhunmwu na erhunmwu vbe Ọgua Osa, ne uwa rho e Nọyaẹnmwa.

Psalm 145:5

Iran gha ta ọta uyi ruẹ, kevbe uyi ọba ne ọ gue uwẹ, mẹ gha vbe mu ẹmwẹ avbe iwinna ọyunnuan rẹn ro.

Psalm 72:18

Wa rho e Nọyaẹnmwa ne Osanobua Izrẹl! Rẹn ọkpa kẹkan, ọ re ọ ru avbe emwi ọyunnuan na hia.

Psalm 9:1

I gha ya ekhọe mwẹ hia rho ruẹ Nọyaẹnmwa. I gha na iyẹn emwi ọyunnuan hia, ne uwẹ ru.

Psalm 9:14

ne imẹ miẹn ehe na mudia vbe odaro ivbi e Jerusalẹm. Ne I tama iran, emwi ne I rho ruẹ ba. I gha ghọghọ rhunmwuda, wẹ miẹn mwẹ fan nẹ.

Psalm 9:2

I gha ya oghọghọ so ihuan rhunmwuda ruẹ. I gha so ihuan urhomwẹ ghe ruẹ Osanobua ne Udazi.

Psalm 95:2

Wa gie a ya ekpọnmwẹ gha die odaro ẹre ne a so ihuan oghogho ọghe urhomwẹ.

I Samuẹl 1:24

Ugbẹn vbe ọ ghi fian ẹre ewẹn nẹ, ọ keghi rhie ẹre gha rrie Siailo, ọ keghi mu ẹkhuia ẹmila ne ọ rre ukpo eha mwẹ kevbe ọduẹki irhuarhua kevbe ọgọ ohian ayọn ọkpa vbene ọ ru ọvbokhan sẹ nii, ọ keghi rhie ẹre gha rrie owa e Nọyaẹnmwa vbe Siailo.

I Samuẹl 1:27

Ọmọ na ọ re I nọ ẹre re, ọ kevbe rhie emwi ne I nọ rẹn re mẹ.