Psalm 26:6 - Edo Bible (E Baibol Ẹdo) Version 1996

⁶ Nọyaẹnmwa, mẹ kpe obọ mwẹ nẹ, ya rhie ma ighe I ma rukhọ. Mẹ ghi vbe gbe ukpukpẹ lẹga Ogiukpo ruẹ zẹ vbe emwi ugamwẹ.

Psalm 26:6 ပူးပေါင်းရင်းမြစ်များ

Psalm 24:4

Iran ne emwa ni khuiae vbe emwi ne a ru kevbe iro ne a zẹ, iran ne ẹi ga ẹbọ, kevbe ne ẹi yan eyan ohoghe.

Psalm 43:4

Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

Psalm 73:13

Te imẹ ghi wa da egbe mwẹ yi kua kẹkan ra? vbe ne I ima na ru orukhọ?

Iyẹn ne ọ Maan Ọghe Jọn 13:9

Saimọn Pita wanniẹn wẹẹ, “Nọyaẹnmwa, a deghẹ erriọ nọ, ẹ i re owẹ mwẹ ọkpa u gha kpe, wa vbe kpe mwẹ obọ kevbe uhunmwu ba re.”

Diuteronomi 21:6

Avbe ekaolotu nii hia ni ke ẹvbo ni sikẹ ehe ne a na miẹn ikun ọmwa ne ọ wu nii ghi kpe obọ iran yan ẹmila nii.

I Timoti 2:8

I ho ne ikpia hia gha na erhunmwu vbe ehe hia, emwa ni ye egbe yan Osanobua, emwa ni gha sẹtin viọ obọ iran da odukhunmwu vbe ne a i na mu ohu kevbe ne a i na muan ẹmwẹ.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.