Psalm 26:2 - Edo Bible (E Baibol Ẹdo) Version 1996

² Gualọ otọ mwẹ ne u vbe danmwẹ mwẹ ghe Nọyaẹnmwa, ne u vbe kha vbene I ho kevbe iziro ọghe ekhọe mwẹ ye hẹ.

Psalm 26:2 ပူးပေါင်းရင်းမြစ်များ

Job 13:23

De emwi ne ọ re orukhọ mwẹ yi? De emwi ne I baku ru? De emwi dan ne a ka yọ mwẹ owẹ?

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Psalm 66:10

Osanobua, wẹ danmwẹ ima ghe nẹ zẹ vbene a kpe esiliva vbe erhẹn erriọ ọ re uwẹ danmwẹ ima ghe.

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Jerimaia 20:12

Sokpan, e Nọyaẹnmwa ne Oghodua wẹ danmwẹ emwa ghe vbene ọ kei yi; wẹ rẹn emwi ni rre ekhọe kevbe ẹko iran. Rhunmwuda ọnii, gun mwẹ miẹn vbe u rria avbe eghian mwẹ ikhi, rhunmwuda, wẹ ọ re I rhie ẹdagbọn mwẹ ye ọre obọ.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”