Psalm 25:9 - Edo Bible (E Baibol Ẹdo) Version 1996

⁹ Ọ su ọmẹhẹ, vbe odẹ ẹmwata, ọ kevbe ma iran iho ẹre.

Psalm 25:9 ပူးပေါင်းရင်းမြစ်များ

Psalm 119:35

Gunmwẹ gha mu uhi ruẹ sẹ, rhunmwuda I miẹn ẹko rhiẹnrhiẹnmwẹ vbe uwu iran.

Psalm 119:66

Rhie ẹwaẹn kevbe irẹnmwi mẹ, rhunmwuda, mẹ mu ẹtin yan iyi ruẹ.

Psalm 143:10

Wẹ ọrọre Osanobua mwẹ, ma mwẹ ẹre ne I gha ru iho ruẹ. Gha ru mwẹ ẹse, ne u vbe gha dia mwẹ, la odẹ ne ẹbe i ye.

Psalm 147:6

Ọ ghi tọn omwa ne ọ mu egherriotọ mu, sokpan, ọ ghi rẹnkhẹn ọmwa dan mu otọ.

Psalm 149:4

E Nọyaẹnmwa sẹ ọyẹnmwẹ ye ẹmwẹ emwa irẹn, ọ ye akhọnmiotọ ye ọghọ ne emwa irẹn ni mu egbe rriotọ.

Psalm 22:26

Avbe ivbiogue gha re vbene iran ho, iran ni bu e Nọyaẹnmwa rre, gha rho ẹre, te agbọn gha ma iran ẹdẹdẹmwẹdẹ.

Psalm 23:3

Ọ fu ekhọe mwẹ egbe rre ọ su mwẹ vbe odẹ ẹmwata, rhunmwuda eni ẹnrẹn.

Psalm 27:11

E Nọyaẹnmwa, ma mwẹ emwi ne u ho ne I ru, ne u vbe rhie mwẹ la odẹ ne ẹbe i ye, rhunmwuda, eghian ne I mwẹ wa bun.

Psalm 73:24

U ya ẹmwẹ igiodẹ ruẹ su mwẹ, u ghi ya ọghọ da obọ miẹn mwẹ vbe okiekie.

Psalm 76:9

Ugbẹn vbe uwẹ gua kpaegbe ne u bu ohiẹn ne u miẹn iran ne a zẹ kpokpo vbe agbọn fan.

Itan 8:20

Odẹ ẹmwata ọ re ime la khian, obẹlẹ uhunmwu ẹmwẹ ọ re I la,

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Ezikiẹl 36:27

I gha rhie orhiọn mwẹ ye uwu uwa, I ghi vbe miẹn wẹ wa ya uhi kevbe iyi mwẹ ru emwi.

Zẹfanaia 2:3

Wa fiwerriẹ bu e Nọyaẹnmwa gha dee, wa hia ni mwẹ amuegberriotọ ni rre otọe na, wa ni vbe ru vbene ọ khare. Wa gha ru vbene ọ kere, ne uwa vbe mu egbe rriotọ vbe odaro e Nọyaẹnmwa, ughaghe, ọ gha la uwa ban ighẹ irrioya nii, vbe ẹdẹ ne Nọyaẹnmwa gha rhie izohu ẹre maa.

Matiu 5:5

Ọ maa ne iran ni fu, iran ọre emwi ne Osanobua ve gha sẹ ọre obọ!

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iwinna 13:10

ọ wẹẹ, “Wẹ ne ovbi e Esu. Wẹ ne oghian emwi ni maa hia, wẹ ne ẹkẹ vbe iwẹnwẹn gba ẹre obọ, wẹ ne ọ hia ne ọ gha ya ẹmwata Nọyaẹnmwa khian ohoghe vbe ẹghẹ hia!

Iwinna 9:2

Ọ na ya miẹn ẹre ebe ọghe rẹn ọna khin, ne ọ rhie mwẹ gha rrie Ọgua ediọn avbe Ju ni rre Damaskọs wẹ, rẹn gha miẹn emwa ni lele odẹ ọghe Nọyaẹnmwa vbe odọ, ne ọ sẹtin munọ ehia, ikpia kevbe ikhuo nọ viọ iran gha di e Jerusalẹm.

Galatia 5:23

imuegberriotọ kevbe amuegbe ye ọghọ. A ma yi uhi ye egbe emwi vberriọ.

Hibru 10:20

Ọ kie odẹ ọgbọn ye uwu ukpọn ne a ya fiaẹn ni ne ima nẹ, odẹ ne ọ rrọọ, ọnii nọ wẹ vbe ekpa egbe ẹre.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.

I Pita 3:15

Sokpan, wa gha ya ọghọ ne Kristi vbe uwu ekhọe uwa, ne uwa vbe ya ẹe ru Nọyan uwa. Mu egbe vbe ẹghẹ hia ne u ya rhie ewanniẹn ne ọmwa ne ọ rhirhi nọ ruẹn, wẹ ne u rhan otọ idaehọ ne u mwẹ.

I Pita 3:4

Sokpan, ọ kere ne ose uwa gha re ọghe ekhọe ọmẹhẹ ne khuẹrhẹ, ne ọ re emwi ighobioye vbe odaro Osanobua.