Psalm 25:7 - Edo Bible (E Baibol Ẹdo) Version 1996

⁷ Ya orukhọ kevbe abakuru ẹghẹ ọvbokhan mwẹ bọ mwẹ, vbe umamwẹ kevbe ahoẹmwọmwa ruẹn ne ẹi beghe, ye mwẹ rre Nọyaẹnmwa.

Psalm 25:7 ပူးပေါင်းရင်းမြစ်များ

Job 13:26

“U wa ba mwẹ ifi ẹzọ ọhanabe, ya sẹ egbe emwi ne I ru vbe I he ye kherhe,

Job 20:11

Te egbe ẹre te ye vbe ọ ghe ọvbokhan ọ keghi vbe wegbe. Sokpan ọ gha khian ebubẹ ban

Psalm 106:3

Afiangbe ọrọre ọghe iran, ni mu iyi ẹre sẹ, iran ni ru emwi ne ọgbae vbe ẹghẹ hia.

Psalm 106:4

Nọyaẹnmwa, u gha ye emwa ruẹn obọ, u gha miẹn iran fan, u ghi rhie mwẹ ba ẹre Nọyaẹnmwa.

Psalm 109:14

Te Nọyaẹnmwa gha ye orukhọ avbe erha odede ẹre rre, ẹ i gha ya orukhọ iye ẹe bọ ẹe.

Psalm 109:16

Oko nii ma zẹdẹ rẹn wẹ a vbe tohan ọmwa hiehiere, ọ ghi gbele iran an.

Psalm 109:26

Yọmwẹ obọ, Nọyaẹnmwa Osanobua mwẹ rhunmwuda aho ẹmwẹ ọmwa ne ẹ i beghe miẹn mwẹ fan.

Psalm 119:124

Ya obọ aho ẹmwẹ ọmwa ruẹn ne ẹ i beghe mu mwẹ, ne u vbe ma mwẹ iyi ruẹ.

Psalm 31:16

Ye aro itohan ghe ọguọmwadia ruẹ, ye ahoẹmwọmwa ruẹn ne ẹi beghe miẹn mwẹ fan.

Psalm 51:1

Tohan mwẹ Osanobua rhunmwuda ahoẹmwọmwa ruẹn ne ẹ i beghe rhunmwuda itohan ruẹn ne ọ kpolo khiẹn orukhọ mwẹ nibun hin rre.

Psalm 6:4

Gha de do miẹn mwẹ fan, Nọyaẹnmwa wọlọ mwẹ hin obọ uwu rre, rhunmwuda itohan ruẹn.

Psalm 79:8

Ghẹ rri ima oya ye orukhọ avbe erha mwa odede, tohan mwa, egbe wọ ima nẹ.

Aizaia 38:17

Orriara mwẹ gha fiwerriẹ khian ọfumwegbe u miẹn ẹdẹ agbọn mwẹ fan hin obọ ẹbe hia rre, u ya orukhọ mwẹ hia bọ mwẹ.

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 48:11

Emwi ne I ru, rhunmwuda ekpẹn ne egbe mwẹ ọre I na ruẹe. Mẹ i ho ne a ya iruẹn ye eni mwẹ ra ne ọmwa ọvbehe rhokpa ghae vbe uyi nii ne ọ kere ne ọ gha re ọghomwẹ, ọ ghi mẹ ọkpa.”

Aizaia 64:9

rhunmwuda ọnii, ghẹ mu ohu mwa gberra uwu, ra ne u gha ka orukhọ mwa yi ima owẹ ẹdẹdẹmwẹdẹ. Emwa ruẹn ma khin, tohan mwa.

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Iyẹn ne ọ Maan Ọghe Jọn 5:14

Ọ ghi kpẹe kherhe, Jesu miẹn ọẹn vbe uwu Ọgua Osa, ọ keghi tama rẹn wẹẹ, “Vbe ne egbe na rran ruẹ nẹ nian, u ghi zobọ vbe emwi dan ne u ru, ne emwi ne ọ khọrhiọn sẹ ọna ghẹ dekun ruẹn.”

Iyẹn ne ọ Maan Ọghe Jọn 5:5

Okpia ọkpa ne a miẹn wẹ ukpo eva irrọ vbe iyeva ọre ọ ye ne ọ kegha khuọnmwi keghi rre evba.

Hibru 8:12

I gha mwẹ itohan ghe abakuru iran, I i ghi ra vbe ye orukhọ iran rre ọvbehe.”