Psalm 25:6 - Edo Bible (E Baibol Ẹdo) Version 1996

⁶ E Nọyaẹnmwa, ye rre, itohan kevbe aho ẹmwẹ ọmwa ruẹn ne ẹi beghe, ne uwẹ rhie maa ke ẹkpo nii gha dee.

Psalm 25:6 ပူးပေါင်းရင်းမြစ်များ

Gẹnẹsis 24:27

Rẹn keghi kha wẹẹ, “Urhomwẹ nọ ne Nọyaẹnmwa, Osanobua Ebraham arowa mwẹ ne ọ wa rhie ekhọe yọ ne ọ mu eyan ne ọ yan ma arowa mwẹ sẹ. E Nọyaẹnmwa wa ma mwẹ odẹ gha die owa ọtẹn arowa mwẹ zẹẹ.”

Gẹnẹsis 32:9

Ẹre Jekọb na na erhunmwu wẹẹ, “Osanobua Ebraham ne erhamwẹ odede kevbe ọghe Aizik ne erhamwẹ, u ghi danmwehọ mwẹ, wẹ ọ re ọ tama mwẹ Nọyaẹnmwa wẹẹ, ‘Ne I werriegbe gha rrie ẹvbo mwẹ ne I vbe bu avbe etẹn mwẹ, wẹẹ u gha ruẹe ne emwi hia gha ma mẹ.’

II Krọnikol 6:42

E Nọyaẹnmwa ne Osanobua, ghẹ he ọba ruẹ ne u wẹ zẹe, ya aho ẹmwẹ ọmwa ruẹn ye Devid ne ọguọmwadia ruẹ re.”

Nehimaia 13:22

I keghi tama avbe Livai wẹ ne iran họnmwẹ egbe ne iran ya gha khẹ Urho, ne iran miẹn wẹ a ma ru Ẹdẹ Ikẹtin awua. Osanobua vbe ye mwẹ rre vbe ọnọna, ne u vbe fan mwẹ ye otọ rhunmwuda ahọ ẹmwẹ ọmwa ruẹn.

Nehimaia 9:19

Sokpan, wẹ ma sẹ iran rae ye ato vbe evba rhunmwuda, itohan ruẹn kpọlọ u ma rhie okuku nii ra erhẹn nii hinrre, ne ọ gha ma iran odẹ vbe avan kevbe asọn.

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 103:4

Ọ ma gunmwẹ la idin, ọ keghi ye aho ẹmwẹ ọmwa kevbe itohan fiangbe mwẹ.

Psalm 106:1

Wa rho e Nọyaẹnmwa! Wa rhie ekpọnmwẹ ne Nọyaẹnmwa, rhunmwuda ọ maa, etẹbitẹ ọre aho ẹmwẹ ọmwa rẹn khin.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Psalm 107:1

Wa rhie ekpọnmwẹ ne Nọyaẹnmwa, rhunmwuda ighe ọ maa, etẹbitẹ ọre aho ẹmwẹ ọmwa rẹn khin.

Psalm 119:77

Tohan mwẹ, mẹ gha rre agbọn, rhunmwuda, uhi ruẹ sẹ mwẹ ọyẹnmwẹ.

Psalm 40:11

Nọyaẹnmwa, mẹ rẹnrẹn ighe wẹ i ra dobọ itohan ruẹn ghe mwẹ yi. Ahoẹmwọmwa kevbe aguobọmwa ọwuẹ, ọ re ọ khian rhie mwẹ lẹre vbe ne ai na mwẹ ẹbe.

Psalm 69:13

Sokpan zẹ vbe ọghomwẹ, mẹ gha na erhunmwu ghe ruẹ Nọyaẹnmwa, Osanobua, zẹ ẹmwẹ wanniẹn mwẹ, vbe ẹghẹ ne ọ khọn ruẹn. Zẹ ẹmwẹ wanniẹn mwẹ rhunmwuda wẹ mu ẹẹn sẹ ighe eyan ruẹn wẹ u gha miẹn ọmwa fan.

Psalm 69:16

Rhie ewanniẹn mẹ Nọyaẹnmwa, vbe umamwẹ aho ruẹ ne ẹ i beghe vbe uwu itohan ruẹn nọkhua, gbe bu mwẹ rre!

Psalm 98:3

Ọ ru zẹ vbene ọ ve ivbi Izrẹl re, vbe amuẹtinyan kevbe aho ne ẹ i beghe ne iran emwa hia ni rre ehe hia, miẹn akhọnmiotọ Osanobua mwa nẹ.

Ẹksọdọs 15:13

Wẹ nọ mu eyan ruẹn sẹ, u keghi su avbe emwa ne u dẹ werriegbe, ẹtin ruẹn ọre u ya ma iran odẹ, gha rrie owa ruẹ ne ọ huanrẹn.

Ẹksọdọs 34:6

E Nọyaẹnmwa kegha gberra vbe odaro ẹre, ọ keghi datie wẹẹ, “Mẹ ne Nọyaẹnmwa, ọrọre Osanobua ne ọ vuọn ne agiẹngiẹn ne a i sẹtin rherhe ya ohu mu, ne ọ mwẹ aho ẹmwẹ ne ẹ i beghe kevbe amuẹntinyan.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Aizaia 63:15

E Nọyaẹnmwa, gbearoghe odẹ ne ima ye ke ẹrinmwi gha dee, ehe ne uwẹ ye vbe uwu uhuanmwẹ kevbe uyi ruẹ. Ẹnina nọkhua ne u mwẹ ghe ima vboo? Ẹtin ruẹn vbo? Ahoẹmwọmwa kevbe itohan ruẹn vbo? Ghẹ yangbe mwa.

Jerimaia 31:20

“Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Habakọk 3:2

E Nọyaẹnmwa, I họọn emwi ne u ru, ohan wa mu mwẹ. Banbanna nian, vbe ru vbe ẹghẹ ima, avbe emwi nikpọlọ ne u te ka ru ẹkpo nẹdẹ. Ye vbe mwẹ itohan a gha rhe wẹ te ohu mu ẹẹn.

Iyẹn ne ọ Maan Ọghe Luk 1:50

Ọ tohan iran hia ni mu ohan rẹn. Ke orre ya sẹ orre.

Iyẹn ne ọ Maan Ọghe Luk 1:54

Ọ mu eyan ne ọ yan ma avbe erhamwa odede sẹ. Ọ rre do ye Izrẹl ne eguọmwadia ẹre obọ.

Iyẹn ne ọ Maan Ọghe Luk 1:78

Rhunmwuda ọmẹhẹ ne ọmwa itohan ọre Osanobua mwa khin. Rẹn gha gie uwanmwẹ imiẹnfan wan mu ima hia.

II Kọrinti 1:3

Wa gie ima kpọnmwẹ Osanobua kevbe Erha Nọyaẹnmwa Jesu Kristi, Erha ne ọ mwẹ itohan kevbe Osanobua ne iyobọ hia ke obọ ẹre rre.

Filipai 1:8

Osanobua rẹnrẹn wẹ ẹmwata ọre I ta vbe i a kha wẹ, vbene ẹmwẹ uwa rrọ mwẹ ekhọe, uwu ekhọe Kristi Jesu tobọ ẹre ọre ọ ke rre.

Filipai 2:1

Ẹdẹ agbọn ruẹn vbe uwu Kristi rhie iwegbe nuẹn ra? Wẹ gu nene Orhiọn mu obọ ra? Wa mwẹ itohan kevbe ẹnina egbe ra?

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.

I Jọn 3:17

Adeghẹ ọmwa re ọmwa ne ọ fe, ọ keghi miẹn wẹ ọtiọnrẹn rre uwu a i mwẹ, sevba ekhọe ẹre keghi ye rri ghe ọtiọnrẹn, vbe ọ gha na sẹtin kha hẹ yi wẹ, aho ẹmwẹ ọmwa Osanobua rre uwu ekhọe ẹre?