Psalm 25:5 - Edo Bible (E Baibol Ẹdo) Version 1996

⁵ Ma mwẹ re ne I gha ya ẹmwata ruẹ ru emwi rhunmwuda, wẹ ọ re Osanobua mwẹ, ne ọ miẹn mwẹ fan. I mu ẹtin yan ruẹn vbe ẹghẹ hia.

Psalm 25:5 ပူးပေါင်းရင်းမြစ်များ

Gẹnẹsis 49:18

I diakhẹ ẹghẹ imiẹnfan ruẹn Osanobua.

Nehimaia 9:20

Vbe uwu umamwẹ ruẹn wẹ tama iran emwi ne iran gha ru. U ya e mana koko iran, u na vbe sa amẹ ne iran wọn.

Job 36:22

U ghi yerre vbene ẹtin Osanobua kpọlọ hẹ. Rẹn ọrọre ọmamwaemwi ne ọ kpọlọ sẹẹ vbe ehia.

Psalm 107:7

Ọ keghi viọ iran la odẹ ọwara gha rriẹ ẹvbo ne ọ gha gie iran yin.

Psalm 119:26

I miẹn emwi ne I he ru hia kue, wẹ keghi họn urhu mwẹ, ma mwẹ odẹ ruẹ.

Psalm 119:33

Nọyaẹnmwa, ma mwẹ otọ uhi ruẹ, mẹ gha vbe gha mu iran sẹ vbe ẹghẹ hia.

Psalm 119:66

Rhie ẹwaẹn kevbe irẹnmwi mẹ, rhunmwuda, mẹ mu ẹtin yan iyi ruẹ.

Psalm 119:97

A miẹn vbene I ho ẹmwẹ uhi ruẹ hẹ, te I wa mu ẹẹn ro ne ebi ro.

Psalm 22:2

Vbe ẹghẹ avan, mẹ datu tie ruẹ Osanobua mwẹ, sokpan, u ma khuẹnniẹn mwẹ. I tu tie vbe asọn, sokpan, I ma miẹn ikẹtin.

Psalm 24:5

E Nọyaẹnmwa gha fiangbe iran, ọ ghi vbe miẹn iran fan. Osanobua gha kha ighẹ iran ma rria abe.

Psalm 25:10

A gia mu ẹtin yan, kevbe aho ẹmwẹ ọmwa, ọ re ọ ya su iran ni rhie iyi ẹre mwẹ, kevbe ni vbe ya uhi ẹre ru emwi.

Psalm 25:8

Rhunmwuda ighe ọmwata kevbe ne ọ maa ọ re Nọyaẹnmwa khin. Ọ ma avbe emwa orukhọ odẹ ne iran gha lele.

Psalm 68:20

Osanobua mwa Osanobua ne ọ miẹn ọmwa fan ọre nọ rẹn ọrọre Nọyaẹnmwa, ne Nọyaẹnmwa ne ọ wọlọ ọmwa ladian hin uwu rre.

Psalm 79:9

Yima obọ Osanobua ne u miẹn ima fan, fannọ ima yotọ ne u vbe ya orukhọ mwa bọ mwa rhunmwuda uyi ruẹ.

Psalm 86:3

Wẹ ọrọre Osanobua mwẹ, rhunmwuda ọnii, tohan mwẹ, ẹdẹ biiri ọ re I ya na erhunmwu ghe ruẹ.

Psalm 88:1

E Nọyaẹnmwa Osanobua ọmiọnmwafan mwẹ te I wa tu ne ebi ro, ọ ghi sẹ asọn, I keghi bu ruẹ gha dee.

Itan 23:17

Ghẹ gie ekhọe ruẹ la ghe ẹmwẹ emwa orukhọ, gie ayọghọ ne Nọyaẹnmwa gha re emwi ne u mu aro yi vbe agbọn.

Itan 8:34

Ọmwa ne ọ danmwehọ mwẹ gha miẹn oghọghọ. Ọmwa ne ọ mudia ye onurho mwẹ ẹdẹgbegbe ne ọ khẹ vbe ehe ne a la la owa mwẹ.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 35:8

Odẹ ne gbodoo gha la evba, a ghi gha tie ẹre “Odẹ uhuanmwẹ.” Ọmworukhọ i ra la odẹ nii ẹdẹ akpa i ra bibi emwa ni lae odẹ.

Aizaia 42:16

“I gha viọ avbe emwa mwẹ ni rhu aro la odẹ ne iran ma he la ẹdẹ. I ghi ya ebiebi iran khian uwanmwẹ I ghi ya ẹvbo ne kpannọkpannọ khian ne kpẹghẹ ne iran. E yan ne I yanrẹn ọ re ena khin. Emwi okpa ne ọ gha wẹ ne I ghẹ mu ẹẹn sẹ i rrọ.

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Aizaia 54:13

“Mẹ ọ re ọ ra tobọmwẹ ma emwa ruẹn emwi I ghi rhie ẹfe kevbe ọfumwegbe ne iran.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Maika 7:7

Sokpan, mẹ gha rhie aro ye odẹ khẹ Nọyaẹnmwa. I gha ya iziengbe diakhẹ Osanobua, ọmwa ne ọ gha miẹn mwẹ fan. Osanobua mwẹ gha họn ọghomwẹ.

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

Iyẹn ne ọ Maan Ọghe Jọn 14:26

Nọyọmwaobọ nii, Orhiọn Ne Ọ Huanrẹn ne Evbavba ye eni mwẹ gie rre gha ma uwa emwi hia, ọ ghi ye uwa ẹmwẹ ne I he tama uwa hia rre.

Iyẹn ne ọ Maan Ọghe Jọn 16:13

Sokpan Orhiọn ẹmwata ni gha ghi rre, ọ gha gban uwa ghe ehe ne ẹmwata ye.

Iyẹn ne ọ Maan Ọghe Jọn 6:45

Avbe akhasẹ gbẹn ọẹn nẹ wẹẹ, ‘Osanobua ma emwa hia emwi,’ ọmwa ne ọ rhirhi họn ọghe Evbavba, ighẹ ọ na vbe ruẹ emwi vbe ehe ne ọ ye gha bu mwẹ re.

Ebe ne Pọl gbẹẹn gie emwa Rom 8:14

Avbe emwa ne Orhiọn Osanobua ma re odẹ, ivbi Osanobua ọre iran khin.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.

Arhie Maan 7:17

Rhunmwuda, Oteghe Ohuan ne ọ rre adesẹ ẹkete ọre ọ khian gha re Ọsuohuan iran, ọ ghi vbe gha su iran ye uhunmwu ẹzẹ ehe ne amẹ ẹfe ye, Osanobua gha khiẹn ameve hia hin iran aro rre.”