Psalm 25:19 - Edo Bible (E Baibol Ẹdo) Version 1996

¹⁹ Ghe vbene eghian ne I mwẹ bun hẹ, ghe vbene iran vbe khuiwu mwẹ hẹ.

Psalm 25:19 ပူးပေါင်းရင်းမြစ်များ

II Samuẹl 16:11

Ẹre Devid na tama Abisiai kevbe avbe ekhaẹmwẹ ọnrẹn hia wẹẹ, “Ovbi imẹ wẹ rẹn ra gbe mwẹ uan, vbọzẹ ne ẹmwẹ ovbi e Bẹnjamin na, na yan uwa unuan yi? Wa sẹ ọe rae ne uwa gie ẹe gha rhovbiẹ mwẹ, rhunmwuda, e Nọyaẹnmwa ọ re ọ gie ẹe.

Psalm 11:5

Rẹn ọ re ọ ghe ọmwa esi, ke ọmwa dan vbe abọ ọkpa ni. Ọ kakabọ khuiwu iran ne ẹi mu uhi sẹ.

Psalm 138:7

Ibaro gha gba ogba ga mwẹ, wẹ ghi ye rhie mwẹ mwẹ vbe ai mwẹ ẹbe. U gu avbe eghian mwẹ ne ohu mu gbinna, u keghi ya ẹtin ruẹn miẹn mwẹ fan.

Psalm 140:1

Miẹn mwẹ fan vbe obọ emwa dan Nọyaẹnmwa, rhie mwẹ lẹre hin obọ emwa ọkhọ nii.

Psalm 140:11

Ẹ i ghẹ dunna ne iran ni mu ẹmwẹ kuan ẹrrẹe, emwi dan ọ re ọ gha dekun emwa ọkhọ, ne ọ fuẹn iran an.

Psalm 140:4

Degue mwẹ Nọyaẹnmwa, hin obọ ẹtin ọmwa dan, rhie mwẹ lẹre hin obọ emwa ọkhọ nii, ni khuan udemwẹ ye otọ khẹ mwẹ.

Psalm 143:3

Oghian mwẹ ru ọbafi mwẹ rre, obọ ẹre keghi gba mwẹ fẹẹrẹ. Ọ khui mwẹ ye uwu ẹwẹdọ ne ọ so ebiebi, te I ghi ye vbe ọmwa ne ọ wu ẹghẹ ne ọkpẹre.

Psalm 18:48

Ọ keghi miẹn mwẹ fan vbe obọ avbe eghian mwẹ. Nọyaẹnmwa, u gunmwẹ khọn eghian mwẹ muotọ u keghi miẹn mwẹ fan vbe obọ emwa dan.

Psalm 27:12

Ghẹ sẹ mwẹ rae ne avbe eghian mwẹ, ni ya ohoghe kevbe a yan khẹ ọmwa gun mwẹ gbinna.

Psalm 27:2

Ugbẹn vbe iran ne emwa dan, dekun mwẹ, iran keghi dele.

Psalm 38:19

Egbe rran avbe eghian mwẹ iran vbe wegbe, iran ni khuiwu mwẹ vbe nẹi na mwẹ otọ wa bun.

Psalm 38:20

Iran ni ya ọkhọ san ẹse mu aro igbinna da mwẹ rhunmwuda, ighẹ I hia ne I gha ru vbene ọ kere.

Psalm 52:2

U zẹ iro vbene u gha mu agbọn rhia ye ẹrrẹe obọ hẹ aranmwẹ ruẹn yevbe abẹe ne ọ mu, ẹghẹ hia ọ re u ya zẹ ohoghe ta.

Psalm 56:2

Iran ni mu aro igbinna da mwẹ wa gunmwẹ khọn ne ebi ro. Iran ni gunmwẹ khọn wa bun ẹsẹse.

Psalm 57:4

Eghian ni yevbe oduma ni rri ọmwa lẹga mwẹ. Akọn iran yevbe asoro kevbe ifẹnmwẹ, aranmwẹ iran yevbe umozo ne ọ mu.

Psalm 86:14

Iran ni tọn egbe mu, mu aro da mwẹ Osanobua, otu emwa dan okpa ho ne ọ gbe mwẹ uan avbe emwa ne ẹ i zẹ ye uwẹ re hiehie.

Iyẹn ne ọ Maan Ọghe Luk 22:2

Avbe igie ohẹn, iran ni ma emwa Uhi, keghi gualọ odẹ vbene iran gha ya gbe Jesu rhunmwuda ohan avbe emwa kẹkan mu iran.

Iyẹn ne ọ Maan Ọghe Luk 23:5

Sokpan iran dọlegbe tua unu muẹn wẹẹ, “Ọ ra ya emwi ne ọ ma emwa re si olighi ye ẹvbo. Galili ọre ọ na suẹn, ọ gbe Judia dunmwu nẹ, ọre ọ na vbe gha die edinran na.”