Psalm 25:13 - Edo Bible (E Baibol Ẹdo) Version 1996

¹³ Agbọn gha ma iran ẹghẹ hia, ivbi iran gha vbe yan otọe nii.

Psalm 25:13 ပူးပေါင်းရင်းမြစ်များ

Psalm 112:2

Ivbi ọmwa esi gha mwẹ ẹtin vbe otọe nii; a gha fiangbe ivbi uniẹn ọnrẹn.

Psalm 31:19

Umiẹn vbe ehia mose hẹ ighe avbe emwi esi ne u hẹ ye otọ, khẹ iran ni ya ọghọ ne uẹn. Agbọn hia rẹnrẹn vbene u ma hẹ. A miẹn vbe u viọ iran ni mu ẹtin yan ruẹn lẹre hẹ khuankhuan an khuan.

Psalm 36:8

Evbare ọrhẹnrhẹn ne u hẹ ma ọ re ima re; u kevbe gie ima vbe gha wọn vbe ẹzẹ iruemwiẹse ruẹ.

Psalm 37:11

Sokpan avbe ọmẹhẹ ọ re ọ ra yan otọe nii iran ghi vbe gha ye ọfumwegbe zọmọ vbe uwu ẹre.

Psalm 37:22

Iran ne Nọyaẹnmwa fiangbe ọ re ọ yan otọe nii. Sokpan, a gha khulo iran ne ọ fi ẹre unu ladian.

Psalm 37:26

Ẹghẹ hia ọ re ọ ya zẹ emwi obọ, ọ ghi vbe gha rhie ne emwa mọmọ. Afiangbe ọ re ivbi ẹre khin.

Psalm 37:29

Ọmwata ọ re ọ ra yan otọe nii ọ ghi vbe yin ẹnrẹn rhinrin ẹdẹ.

Psalm 37:34

Hẹnhẹn idaehọ ruẹ yan e Nọyaẹnmwa gha mu uhi ẹre sẹ ọ gha mu otọe ni ne uẹn. Ne ọ ya mu ọghọ yuẹ egbe. U gha vbe miẹn ọẹn vbe a gha khulo emwa dan ladian.

Psalm 37:9

Iran ni mu ẹtin yan e Nọyaẹnmwa, ọ re ọ ra yan otọe ni, sokpan, a gha khulo avbe emwa dan ladian.

Psalm 63:5

Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Psalm 69:36

Iran ni ho ẹmwẹ ọnrẹn gha yin evba nii.

Itan 1:33

Sokpan, ọmwaikọmwa ne ọ rhie ehọ mẹ ta yi, ẹkun gha sẹ ọre otọ. Ọ gha rrọ vbe a i mwẹ ẹbe, vbe ne emwi i na vbe rrọ ne ọ gha gie ohan gha mu ẹẹn.”

Itan 19:23

Gha ye ọghọ ne Nọyaẹnmwa, u gha tọ, ẹko gha vbe vuọn ọn, u ghi vbe gha rrọọ vbe a i mwẹ ẹbe.

Itan 20:7

Emọ ni mwẹ erha ne ọ ta ẹmwata kevbe ne uyinmwẹ ọnrẹn vbe gba, uhunmwu esiesi ọ re iran khin.

Itan 29:25

Emwi dan wa nọ ne a gha mu ẹmwẹ emwi ne ọmwa ọvbehe ro vbekpa ọmwa ro, sokpan, u gha mu ẹtin yan e Nọyaẹnmwa, ẹbe fo.

Aizaia 65:23

Emwi ne iran ru gha wa gha dinna odẹ, ọkhọ i ra vbe sunu vbe egbe ivbi iran, i gha fiangbe iran kevbe uniẹn ivbi iran ni dee ẹdẹdẹmwẹdẹ.

Jerimaia 32:39

I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Zẹfanaia 3:17

E Nọyaẹnmwa ne Osanobua mwẹ rrọ yaba ruẹ, ẹtin ẹnrẹn ọ re ọ rhie akhọnmiotọ nuẹn. Ẹko ruẹ gha rhiẹnrhiẹn e Nọyaẹnmwa kevbe uwu aho ẹmwẹ ọmwa ẹnrẹn, ọ gha rhie arrọ agbọn ne uẹn. Ọ gha so ihuan, ọyẹnmwẹ ruẹn ghi vbe gha sẹ ọe.

Zẹkaraia 9:17

Umiẹn vbe otọe nii gha ma hẹ! Umiẹn vbene ọ gha mose hẹ! Ọka kevbe ayọn rẹn gha ya avbe igbama wan yọ.

Matiu 5:5

Ọ maa ne iran ni fu, iran ọre emwi ne Osanobua ve gha sẹ ọre obọ!

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

Diuteronomi 33:12

Ọ keghi kha vbekpa ẹwae Bẹnjamin wẹẹ: “Ewae ne Nọyaẹnmwa ho ẹmwẹ ọnrẹn ne ọ vbe degue ẹdẹgbegbe iran ya rrọọ vbe a i mwẹ ẹbe vbe odaro ẹre. Ọ keghi vbe di uwu ẹbu iran ya.”

Filipai 4:19

Debare, Osanobua mwẹ ne ẹfe ẹre kpọkua vbe uwu Kristi Jesu, gha kpe emehe emwi ne uwa i mwẹ hia.

I Pita 3:10

Zẹ vbene ebe kha re, “Ọmwa ne ọ ho ne irẹn rri orhiẹnrhiẹn agbọn, ne irẹn vbe tọọ, we ne ọ ghẹ ghi ta ẹmwẹ dan, ne ọ ghẹ vbe ta ohoghe.

II Pita 3:13

Sokpan Osanobua ta ẹe nẹ wẹ agbọn ọgbọn kevbe ẹrinmwi ọgbọn gha rre, ehe ne ọ gha gua ẹmwata egbe ro, ena ọre ima mudia khẹ.