Psalm 24:6 - Edo Bible (E Baibol Ẹdo) Version 1996

⁶ Iran na ọrọre emwa ni bu Osanobua dee, ni die odaro Osanobua Jekọb.

Psalm 24:6 ပူးပေါင်းရင်းမြစ်များ

Psalm 105:4

Wa bu e Nọyaẹnmwa wẹ ne ọ ru iyobọ ne uwa, ne uwa vbe ga ẹe vbene ai na dobọyi.

Psalm 22:30

Avbe orre ni dee hia, gha ga ẹe, emwa gha na iyẹn Nọyaẹnmwa, ma avbe orre ni dee.

Psalm 27:8

Ẹkpo ne uwẹ na kha wẹẹ, “Wa larre do gha ga mwẹ.” Mẹ keghi wanniẹn wẹẹ, “Nọyaẹnmwa, I gha rre.”

Psalm 73:15

Akpawẹ te I ta egbe ẹmwẹ vberriọ mẹ i ghẹ yin uyinmwẹ emwa ruẹn.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

Ebe ne Pọl gbẹẹn gie emwa Rom 4:16

Emwi ne a ve na, iyayi ọre a la ekpa ẹre vẹe, ne a miẹn ehe na ta ẹe guọbọ ighẹ emwi ne a ve na emwi ne Osanobua rhie ne ivbi Ebraham hia ọghe ọhẹ ọre nọ, ẹ i re ni ru vbene nene Uhi kha re ọkpa, sokpan kevbe iran ni yayi zẹ vbe ne Ebraham vbe yayi. Rhunmwuda Ebraham ọrọre erha ima hia fẹẹrẹ vbekpa ọghe orhiọn.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.