Psalm 24:3 - Edo Bible (E Baibol Ẹdo) Version 1996

³ De ọmwa ne ọ kere nọ gha hin uhunmwu oke Nọyaẹnmwa? De ọmwa ne ọ gha lao Ọgua Osa ẹre ne ọ huanrẹn?

Psalm 24:3 ပူးပေါင်းရင်းမြစ်များ

I Krọnikol 15:1

E Devid keghi bọlọ owa ọghe obọ ẹre ye Ẹvbo e Devid. Ọ na vbe dọlọ ihe eso yi ne Ẹkpẹti Ile ọghe Osanobua. Ọ na mu owa ukpọn yọ.

Psalm 15:1

Nọyaẹnmwa, de ọmwa ne ọ gha la uwu Ọgua Osa ruẹ? De ọmwa ne ọ gha ga, vbe Zaiọn ne oke ne ọ huanrẹn ruẹn?

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 65:4

Afiangbe ọrọre ọghe iran ne uwẹ hannọ zẹ, ne uwẹ vbe viọ gha dee do di owa ruẹ ne ọ huanrẹn ya emwi esiesi ni rre owa ruẹ gha sẹ ima ọkẹn, afiangbe ọghe Ọgua Osa ne ọ huanrẹn ruẹn.

Psalm 68:18

Ọ hin odukhunmwu gha rriẹ ehe ne ọ yo ọ viọ avbe oghunmwu nibun mwẹ gha khian ọ keghi vbe miẹn emwi ihaoko, vbe obọ avbe emwa ni sọtẹ. E Nọyaẹnmwa Osanobua gha di evba nii ya.

Ezikiẹl 44:5

E Nọyaẹnmwa keghi tama mwẹ wẹẹ, “Ovbi ọmwa, kakabọ yi emwi hia ne u họẹn kevbe ne u miẹn ẹro. I ra talọ avbe emwamwa kevbe ilele ọghe Ọgua Osa ma ruẹn. Kakabọ yi ọre ẹro ighe avbe emwa ne a kue ne ọ gha la uwu Ọgua Osa ne ọ vbe gha ladian vbọ kevbe avbe emwa ne a i kue ne ọ ru vberriọ.

Ezikiẹl 44:9

“Mẹ ne Nọyaẹnmwa ne Udazi ọre ọ tae wẹ, a ghẹ gie ọrriọvbe ne ọ ma rhuẹ, ọmwa ne ẹ i họn ẹmwẹ mẹ, ya sẹ egbe avbe orhunmwuyẹn ni rre uwu ẹbu ivbi Izrẹl la uwu Ọgua Osa mwẹ.”

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Iyẹn ne ọ Maan Ọghe Jọn 13:36

Saimọn Pita nọ rẹn wẹ, “De ehe ne u rrie yi Nọyaẹnmwa?” Jesu wanniẹn wẹẹ, “Ehe ne I rrie, wẹ i he ra sẹtin rre nian, sokpan u gha rre vbe okiekie.”

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Hibru 12:28

Rhunmwuda ọnii nian, wa gie ima kpọnmwẹ ye ọna wẹ, arriọba ne a i sẹtin mu rueghe ọre ọ sẹ ima obọ. Wa gie ima kpọnmwẹ Osanobua ne a vbe gae vbe ọghọ kevbe ute, zẹ vbe ne ọ gha yẹ ọre.