Psalm 24:2 - Edo Bible (E Baibol Ẹdo) Version 1996

² Ọ bọ ẹe yan odin amẹ ne ọ rre uwu otọ. Ọ kevbe gbe ẹyotọ ẹre yan orinmwi amẹ okun.

Psalm 24:2 ပူးပေါင်းရင်းမြစ်များ

Gẹnẹsis 8:22

Ya sẹ omwa vbe ne agbọn gha ya gha rrọọ, ẹghẹ ikọ emwi kevbe ẹghẹ emwiorhọ gha rrọọ. Ẹghẹ okhuakhua kevbe owowo gha rrọọ, ẹghẹ uyunmwu kevbe ẹghẹ orhọ, asọn kevbe avan. Ena i ra fo ẹdẹ.”

Job 38:4

Wẹ rre evba vbe I yi agbọn ra? Adeghẹ u gele rẹn emwi sẹ evba, ta ẹe ma mwẹ.

Psalm 136:6

Ọ bu agbọn na yan uhunmwu amẹ etẹbitẹ ọ re ahoẹmwọmwa rẹn khin.

Psalm 33:6

Ẹmwẹ unu ọ re Nọyaẹnmwa ya yi avbe ẹrinmwi, ẹmwẹ ne ọ tae ọ re ọ yi owẹn, uki kevbe avbe orhọnmwẹ.

Psalm 89:12

Wẹ ọ re ọ yi odẹ okuọ kevbe ekẹn Oke Tabọ kevbe Oke Hẹmọn iran hia ya oghọghọ so ihuan ghe ruẹ.

Psalm 93:1

E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Psalm 95:4

Rẹn ọ khaemwisẹ yan agbọn na hia, kevbe uvun okuta ne ọ dinmwi sẹẹ, ya sẹ egbe oke ne ọ yo sẹẹ.

Psalm 96:10

Wa tama agbọn ẹvbo hia wẹẹ, “E Nọyaẹnmwa ọrọre ọba! A mu agbọn na uhe sẹ otọ nẹ gbain vbe ihe ẹre, ai ghi sẹtin werriẹ ọe, ọ gha ye ẹmwata bu ohiẹn avbe emwa nii.”

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.