Psalm 24:1 - Edo Bible (E Baibol Ẹdo) Version 1996

¹ E Nọyaẹnmwa ọ re ọ yan agbọn na, kevbe emwi ni rre uwu ẹre hia. Rẹn ọ re ọ yan otọe agbọn kevbe iran ni rrọ hia.

Psalm 24:1 ပူးပေါင်းရင်းမြစ်များ

I Krọnikol 29:11

U kpọlọ ẹsẹse, u kevbe mwẹ ẹtin ne ọ vuọn ne ose kevbe orrirri. Wẹ ọ re ọ yan emwi hia ni rre ẹrinmwi kevbe agbọn wẹ ọrọre ọba, ogie nọkhua ne ọ kha yan emwi hia.

I Krọnikol 29:16

E Nọyaẹnmwa Osanobua mwa ma viọ emwi na hia rre ne a do ya bọ Ọgua Osa ya rhie ọghọ ne eni ruẹn ne ọ huanrẹn, sokpan, obọ ruẹ ọre ehia ke rre, ọwuẹ ọ re iran vbe khin.

II Krọnikol 25:9

Amezaia keghi nọ akhasẹ ni wẹẹ, “Sokpan, esiliva ọrhẹnrhẹn ne I ya ha osa ne iran ghi vbọ?” Akhasẹ ni keghi wanniẹn wẹẹ, “E Nọyaẹnmwa gha sẹtin viọ ni bun sẹ ọnii ne uẹn.”

Job 34:13

Ọmwa ọvbehe rrọ ne ọ rhie ẹtin ne ọ gue Osanobua ne ẹẹn ra? Ọmwa rrọ ne ọ mu agbọn ne ẹẹn gha gbearoghe ra?

Job 41:11

De ọmwa ne ọ gha gu ẹe gbinna, ne ọ gha miẹn uhunmwu? Orhiọnkpa ne ọ gha sẹtin ru ẹe i rre agbọn na.

Job 41:3

Ọ gha rinmwian wẹ ne u giẹ irẹn gha rrie ra, ra ne ọ rinmwian wẹ ne u tohan irẹn.

Psalm 50:10

aranmwẹ hia ni rre oha, mẹ ọ yan iran kevbe avbe ẹmila ni rre oke arriaisẹn.

Psalm 50:12

“Deghẹ ohanmwẹ gbe mwẹ, mẹ i vbe tama uwa. Rhunmwuda, agbọn kevbe emwi ni rre uwu ẹre hia mẹ ọ re ọ yan iran.

Psalm 89:11

Wẹ ọ re ọ yan ẹrinmwi, kevbe agbọn ba ẹre, wẹ ọ re ọ yi agbọn kevbe emwi hia ni rre uwu ẹre.

Psalm 89:12

Wẹ ọ re ọ yi odẹ okuọ kevbe ekẹn Oke Tabọ kevbe Oke Hẹmọn iran hia ya oghọghọ so ihuan ghe ruẹ.

Psalm 98:7

Wa davan, wa ne okun, kevbe emwi ni rre uwu ẹre hia, agbọn, wa so ihuan, deba emwa hia ni rre uwu uwẹ!

Ẹksọdọs 19:5

A deghẹ wa gha họn ẹmwẹ mwẹ, wa na vbe rhie uhi mwẹ mwẹ, wa ghi do gha re emwa obọ mwẹ. Mẹ ọre ọ yan agbọn na hia, sokpan wa ghi gha re emwa ne I hannọ zẹ.

Ẹksọdọs 9:29

E Mosis keghi tama rẹn wẹẹ, “I gha wa da lahin adesẹ ore ẹvbo rre, I gha niẹn obọ ghe ehe ne Nọyaẹnmwa ye. Avan ne ukhumwu gha da obọ yi ayan i ghi ra vbe gha rrọọ ọvbehe, ne uwa miẹn ehe na rẹn ighẹ Nọyaẹnmwa ọre ọ yan agbọn na.

Daniẹl 4:25

A gha khu uwẹ fua hin uwu ẹbu emwa nagbọn rre, u gha ya deba avbe aranmwẹ oha gha rrọọ. U gha rri irunmwu zẹ vbe ẹmila la ukpo ihinrọn, u ghi gha vbiẹ adesẹ ore ehe ne evbu gha na gha tuo yan ruẹn. Ẹghẹ nii, u ghi do miẹnkue wẹ Osanobua ne ọ Sẹehia ọ re ọ khaemwisẹ yan arriọba agbọn na hia kevbe wẹ ọ sẹtin munọ iran ne ọmwa ne ọ rhirhi khọn rẹn.

Maika 4:13

E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”

Nahum 1:5

Avbe oke nekhua mu rueghe vbe ehe ne Nọyaẹnmwa ye avbe oke negiẹrẹ ranraẹn vbe odaro ẹre. E Nọyaẹnmwa gha ladian, otọe ghi mu rueghe.

I Kọrinti 10:26

Rhunmwuda, zẹ vbene ebe kha re, “Agbọn ke emwi hia ni rre uwu ẹre, ọ ghe Nọyaẹnmwa nọ.”

Diuteronomi 10:14

“Ẹrinmwi ne ọ yo sẹ ehia, e Nọyaẹnmwa ọ re ọ yan rẹn. Rẹn ọ vbe yan agbọn kevbe emwi hia ni rre uwu ẹre.