Psalm 23:5 - Edo Bible (E Baibol Ẹdo) Version 1996

⁵ Wẹ ye evbare mẹ re, sirra iran ne eghian mwẹ. Wẹ mu ọghọ orhunmwuyẹn yọ mwẹ egbe u keghi sa ukpu mwẹ ne ọ vuọn sẹ ukpẹ.

Psalm 23:5 ပူးပေါင်းရင်းမြစ်များ

Job 36:16

“Osanobua rhie ruẹ ke uwu ibaro ladian, ọ na giẹ ẹkun suẹ otọ; a na silo evbare gbo ye eteburu ruẹ.

Psalm 104:15

Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Psalm 116:13

I gha mu ayọn izọhẹ gie Nọyaẹnmwa, ne I ya kpọnmwẹ ọẹn ye ne ọ na miẹn mwẹ fan.

Psalm 16:5

Wẹ ọkpa ọre I mwẹ Nọyaẹnmwa, wẹ vbe viọ emwi ne I i mwẹ hia mẹ. Ẹdẹ nakhuẹ mwẹ, obọ ruẹ ọre ọ ye.

Psalm 22:26

Avbe ivbiogue gha re vbene iran ho, iran ni bu e Nọyaẹnmwa rre, gha rho ẹre, te agbọn gha ma iran ẹdẹdẹmwẹdẹ.

Psalm 22:29

Emwa ni tọn egbe mu hia gha ya uhunmwu rhanmwẹ otọ ne ẹẹn. Emwa ne ọ sẹtin wu hia gha ya uhunmwu rhanmwẹ otọ ne ẹẹn.

Psalm 45:7

Wẹ ho ẹmwẹ emwi ne ọgbae u keghi khuiwu emwi ne ẹ i maa ọnii ọ re ọ siẹe ne Osanobua awẹ Osanobua ruẹ na hannọ uẹn zẹ ọ na ya ọyẹnmwẹ wẹ uẹ sẹẹ avbe ọba nekpa hia.

Psalm 78:19

Iran keghi ya ukpe gha sakan Osanobua, iran wẹẹ, “Osanobua gha sẹtin rhie evbare rre vbe ato ra?

Psalm 92:10

U ya mwẹ wegbe zẹ vbe ede, u ya oghọghọ we mwẹ nẹ.

Psalm 92:11

Aro miẹn ọẹn nẹ vbe obọ gba avbe eghian mwẹ, I vbe họn eve avbe emwa dan.

Aizaia 25:6

Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Emọs 6:6

Ọkpan nọkhua ọ re uwa ya ru ukpu da ayọn, ori ne ọ ghi winhin sẹẹ ọ re uwa ya wo, sokpan, ọ ma da uwa vbe Izrẹl rẹnkhẹn uan.

Matiu 6:17

Wẹ gha rre aguẹ, sa amẹ kpe aro ua, salọ eto ruẹ,

Iyẹn ne ọ Maan Ọghe Luk 7:46

U ma kpe ehe ori ne uhunmwu mwẹ, sokpan ori ne ọ winhin ọre ọ ya khuẹ mwẹ owẹ.

Iyẹn ne ọ Maan Ọghe Jọn 16:22

Egbe ọre ọghe uwa khin, wanwan na, wa he khiẹ nian, sokpan, I gha vbe dọlegbe miẹn uwa, ekhọe uwa ghi vuọn ne ọyẹnmwẹ, egbe ọyẹnmwẹ ne ọmwa rhọkpa i ra sẹtin gbe ye uwa egbe.

I Kọrinti 10:16

Ukpu afiangbe ne ima kpọnmwẹ Osanobua yi, ma gha wọn vbọ, ẹ i re esagiẹn Kristi ọre ima na wọn? Ebrẹd ne ima giagia, ma gha rri ọe, ẹ i re efun egbe Jesu ma na re?

II Kọrinti 1:21

Rhunmwuda Osanobua tobọ ẹre ọre ọ gie aro mwa dae deba uwa ighẹ arrọọ ne ima mwẹ vbe uwu Kristi. Osanobua tobọ ẹre ọre ọ hannọ ima ye efẹn ọkpa.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.

I Jọn 2:20

Sokpan, Kristi tue Orhiọn Ne Ọ Huanrẹn yan uwa nẹ, rhunmwuda ọnii, wa hia rẹn nene ẹmwata nẹ.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.