Psalm 23:3 - Edo Bible (E Baibol Ẹdo) Version 1996

³ Ọ fu ekhọe mwẹ egbe rre ọ su mwẹ vbe odẹ ẹmwata, rhunmwuda eni ẹnrẹn.

Psalm 23:3 ပူးပေါင်းရင်းမြစ်များ

Job 33:30

ọ gha miẹn ọmwa fan ye agbọn nẹ, ọ ghi rhie oghọghọ arrọ ne ẹẹn.

Psalm 106:8

Sokpan, ọ miẹn iran fan zẹ vbene ọ yan rẹn, ne ọ miẹn ehe na rhie ẹtin ẹnrẹn nọkhua, ne a miẹn.

Psalm 109:21

Sokpan, Nọyaẹnmwa, Osanobua mwẹ, yọmwẹ obọ zẹ vbene u khare, ne u wọlọ mwẹ ladian rhunmwuda umamwẹ aho ẹmwẹ ọmwa ruẹn.

Psalm 119:176

I gha bibi yo bibi rre, zẹ vbe ohuan ne ọ wiri, rhunmwuda ọnii, do gualọ mwẹ, mẹ ne ọguọmwadia ruẹ rhunmwuda, I ma fi iyeke gbe uhi ruẹ.

Psalm 19:7

Te uhi e Nọyaẹnmwa wa gba te ọ rhie ẹtin ọgbọn ye ọmwa iwu. Iyi e Nọyaẹnmwa gia mu ẹtin yan, te ọ rhie ẹwaẹn ne iran ne ẹi te mwẹ.

Psalm 31:3

Wẹ ọrọre ugue kevbe ne ọ gbinna mẹ. Dia mwẹ ne u vbe gha su mwẹ khian, zẹ vbene u yan rẹn.

Psalm 31:4

Degue mwẹ hin obọ ifi ne a rhuẹ ye otọ khẹ mwẹ tan ifuẹn gue mwẹ hin ẹbe rre.

Psalm 34:3

Wa gunmwẹ wewe u kpọlọ mwẹ e Nọyaẹnmwa, wa gie ima koko rho eni ẹnrẹn.

Psalm 5:8

E Nọyaẹnmwa, eghian ne I mwẹ wa bun. Su mwẹ ne I ru iho ruẹ, gie odẹ ruẹ rrie mẹ ne I lele ẹe gha khian.

Psalm 51:10

Yi orhiọn ne ọ huanrẹn ye uwu imẹ Osanobua, ne u vbe mu ekhọe ọgbọn ne ọ guobọ ruẹ ye uwu imẹ.

Psalm 51:12

Rhie oghọghọ imiẹnfan ruẹn dọlegbe mẹ, ne u gunmwẹ gha ho ne I gha họn ẹmwẹ ne uẹn.

Psalm 79:9

Yima obọ Osanobua ne u miẹn ima fan, fannọ ima yotọ ne u vbe ya orukhọ mwa bọ mwa rhunmwuda uyi ruẹ.

Psalm 85:13

Ẹmwata gha ke odaro ne Nọyaẹnmwa ọ gha ya dọlọ odẹ yi khẹ ọre.

Itan 4:11

I ma ruẹn ẹwaẹn nẹ, deba vbene ọ kere ne a gha yin hẹ.

Itan 8:20

Odẹ ẹmwata ọ re ime la khian, obẹlẹ uhunmwu ẹmwẹ ọ re I la,

Aizaia 42:16

“I gha viọ avbe emwa mwẹ ni rhu aro la odẹ ne iran ma he la ẹdẹ. I ghi ya ebiebi iran khian uwanmwẹ I ghi ya ẹvbo ne kpannọkpannọ khian ne kpẹghẹ ne iran. E yan ne I yanrẹn ọ re ena khin. Emwi okpa ne ọ gha wẹ ne I ghẹ mu ẹẹn sẹ i rrọ.

Jerimaia 31:25

I gha rhie ẹtin ye ne ẹtin fo iwu, kevbe iran ne ohanmwẹ wọ ẹre egbe yotọ, I gha ye evbare koko iran ne ẹko vuọn.

Jerimaia 31:8

I gha viọ ke odẹ okuọ gha dee, I ghi vbe si iran koko ke ufomwẹ agbọn gha dee, avbe arhuaro kevbe avbe arọe gha lele iran rre, ikhuo ni hanmwa kevbe iran ni gha ra biẹ iran gha werriegbe rre, uhunmwu ẹvbo nọkhua.

Ezikiẹl 20:14

Sokpan, I ma ru vberriọ, rhunmwuda, ọnii gha mu ozan gie eni mwẹ vbe ehe ne avbe uhunmwu ẹvbo nii ye, iran ne aro ẹre se ọe vbe I viọ ivbi Izrẹl ke Igipt ladian.

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.