Psalm 22:8 - Edo Bible (E Baibol Ẹdo) Version 1996

⁸ Iran wẹẹ, “Ẹre te u mu ẹtin yan e Nọyaẹnmwa, vbọzẹ ne ọ ma na ghi miẹn ruẹn fan nian? Adeghẹ Nọyaẹnmwa gele ho ẹmwẹ ruẹn, vbọzẹ ne ọ ma na yuẹ obọ?”

Psalm 22:8 ပူးပေါင်းရင်းမြစ်များ

Job 16:4

Gie a kha ighẹ mẹ ọ re uwa, wa na gha re imẹ, I gha wa sẹtin vbe ta avbe ẹmwẹ ne uwa talọ na. I gha sẹtin ya ẹwaẹn fieghe uhunmwu mwẹ, I gha ghi ye ẹmwẹ ne ọ tue ladian silo uwa kẹ egbe.

Psalm 109:25

Emwa gha beghe mwẹ iran ghi fieghe uhunmwu ọsọre mẹ.

Psalm 18:19

Ọ yọ mwẹ obọ la hin uwu ẹbe rre ọ miẹn mwẹ fan rhunmwuda, ẹko ẹre rhiẹnrhiẹn ghe mwẹ.

Psalm 37:5

Rhie egbe ruẹ ne Nọyaẹnmwa mu ẹtin yan rẹn ọ gha yi uẹ obọ.

Psalm 42:10

Ihẹn ne iran tie mẹ rẹnkhẹn mwẹ uan Vbene iran na nọ mwẹ yan egbe wẹẹ, “Osanobua ruẹ vbọ?”

Psalm 55:22

Zẹ ọlọghọmwa ruẹn obọ ne Nọyaẹnmwa, rẹn gha gbinna ne uẹn, ẹ i kue ne a mu ọmwa esi gbotọ

Psalm 71:11

Iran wẹẹ, “Osanobua hee ẹe ye otọ nẹ wa gia khu ẹe ne a muẹn ọmwa ne ọ gha miẹn rẹn fan i rrọọ.”

Psalm 91:14

Osanobua khare wẹẹ, “I gha miẹn iran ni ho ẹmwẹ mwẹ fan, I gha vbe degue iran ni rẹn mwẹ ye Nọyaẹnmwa.

Itan 16:3

Rinmwian e Nọyaẹnmwa ne ọ yobọ ye emwamwa ruẹn, u gha ra ru ẹe, te ọ wa dunna nuẹn.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Matiu 12:18

“Osanobua khare wẹẹ, ọguọmwadia mwẹ ne I mẹ zẹẹ ọre ọna khin. Ne I ho ẹmwẹ ọnrẹn, ne ọyẹnmwẹ ọnrẹn sẹ mwẹ. I gha gie Orhiọn mwẹ tin yan rẹn, ọ gha wewe ibuohiẹn mwẹ ma uhunmwu ẹvbo hia,

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Iyẹn ne ọ Maan Ọghe Luk 23:35

Emwa mudia gha ghe ẹre vbe avbe eniwanrẹn e Ju yae gbe ogie wẹẹ, “Ọ sẹtin miẹn emwa ọvbehe fan, giee miẹn egbe ẹre fan nian deghẹ rẹn ọre ọ gele re Mẹzaia ne Osanobua zẹ!”