Psalm 22:7 - Edo Bible (E Baibol Ẹdo) Version 1996

⁷ Emwa ni miẹn mwẹ hia, ya mwẹ gbogiẹ, iran yuo aranmwẹ ladian, iran gha rueghe uhunmwu iran.

Psalm 22:7 ပူးပေါင်းရင်းမြစ်များ

Job 12:4

Banbanna nian, uhin ighẹ te avbe ọse mwẹ ghi giẹ mwẹ, iran gha giẹ, a gha rhe miẹn ighẹ, ọmwata ọ re I khin, I ma rria abe. Sokpan, ẹghẹ ọkpa rrọọ, ne Osanobua na họn erhunmwu mwẹ.

Job 16:10

Emwa gha niẹn ukpe da mwẹ, iran do lẹga mwẹ, iran kegha gbe ubi yọ mwẹ aro.

Job 16:4

Gie a kha ighẹ mẹ ọ re uwa, wa na gha re imẹ, I gha wa sẹtin vbe ta avbe ẹmwẹ ne uwa talọ na. I gha sẹtin ya ẹwaẹn fieghe uhunmwu mwẹ, I gha ghi ye ẹmwẹ ne ọ tue ladian silo uwa kẹ egbe.

Psalm 109:25

Emwa gha beghe mwẹ iran ghi fieghe uhunmwu ọsọre mẹ.

Psalm 31:18

Gue avbe ọhọn ohoghe ni unu iran ni tọn egbe mu kevbe ni hio. Iran ni ye ukpe iran sakan avbe emwa ẹmwata.

Psalm 44:14

U ya ima khian emwi igbogiẹ vbe uwu ẹbu agbọn ẹvbo nibun iran gha fieghe uhunmwu iran da ima vbe ọghe ozan.

Aizaia 49:7

Osanobua nọhuanrẹn kevbe ọmiọnmwafan Izrẹl khama rẹn ighe ọmwa nii ne a kakabọ zan an ne avbe uhunmwu ẹvbo hia khuiwu ẹre, ne ọ vbe re ọguọmwadia iran ni khaemwisẹ wẹẹ, “Avbe ọba gha miẹn vbe a gha fan an yotọ, iran ghi kpa uhe ya yọghọ ne uẹn, avbe ivbi ọba debare gha vbe miẹn ọẹn, iran ghi ghughẹrre ẹsẹse ya yọghọ ne uẹn.” Ọ na gha sunu rhunmwuda, e Nọyaẹnmwa zẹẹ ọguọmwadia ẹre nẹ Osanobua nọhuanrẹn ọghe Izrẹl vbe mu eyan rẹn sẹ.

Aizaia 53:3

Ma zan rẹn a keghi vbe he ẹe yotọ. Ọ ziengbe oya kevbe obalọ, a ma miẹn orhiọnkpa ne ọ vbe tọn aro mu ghe ẹre ma keghi wa yangbe ẹe vbene a gha kha ighẹ ẹ i re emwi rhọkpa.

Aizaia 57:4

De ọmwa ne uwa ya gbogiẹ yi? De ọmwa ne uwa ne ọhọn ohoghe na wee yi?

Matiu 27:29

Iran keghi ya erhan igban do ẹdẹ mu rhu ẹre uhunmwu, iran na rhie ọkpọ ye ọre obọ erha ọmwa, iran kegha diguẹ ye ọre odaro, iran keghi ya ẹe gbe ogie wẹẹ, “U gha tọ u kpẹre Ọba avbe Ju!”

Matiu 9:24

Ọ keghi tama iran wẹẹ, “Wa hẹ ọre hin emwa rre, ọmọ na ma wu, te ọ vbiẹ.” Iran hia kegha giọe.

Iyẹn ne ọ Maan Ọghe Mak 15:20

Iran ghi ya ẹe gbe ogie fo nẹ, iran keghi kie ẹre ẹwu ododo, iran na dọlegbe viọ ukpọn irẹn yọe. Iran keghi su ẹe ladian ne iran ya kan rẹn mu ugbugbe.

Iyẹn ne ọ Maan Ọghe Mak 15:29

Avbe ilavbodẹ kegha fieghe uhunmwu, iran na gha ya ukpẹ sakan ẹn wẹẹ, “Ẹbẹe, U ma wẹ u gha dunmwu Ọgua Osa sẹ otọ ne u ya ikpẹdẹ eha mu ẹn kpa!

Iyẹn ne ọ Maan Ọghe Luk 16:14

Avbe Farisi eso ni họn avbe ẹmwẹ na kegha vin ihue ye Jesu akhọe, rhunmwuda iran ho ẹmwẹ igho ẹsẹse.

Iyẹn ne ọ Maan Ọghe Luk 23:11

Hẹrọd ke ẹe kevbe ivbiyokuo ẹre keghi ya Jesu gbe ogiẹ, iran keghi ru ẹre emwi oya. Iran mu ẹwu ne mose mose ye ọe, iran keghi dọlegbe rhie ẹre bu Pailet.