Psalm 22:6 - Edo Bible (E Baibol Ẹdo) Version 1996

⁶ Sokpan, mẹ i ghi re ọmwa, ọkhọe mẹ khin, ne emwa hia zan, kevbe ne a kan fua.

Psalm 22:6 ပူးပေါင်းရင်းမြစ်များ

II Krọnikol 14:11

Asa keghi na erhunmwu ghe Nọyaẹnmwa ne Osanobua ẹre wẹẹ, “U gha sẹtin rhie iyobọ ne ivbiyokuo ne ọ ma wegbe zẹ vbe ne u gha vbe sẹtin rhie iyobọ ne ne ọ wegbe. Ye ima obọ nian Nọyaẹnmwa rhunmwuda, wẹ ọre ima mu ẹtin yan, eni ruẹn ọ re ima ya ladian ne a do gu ivbiyokuo ọrhẹnrhẹn na gbinna. E Nọyaẹnmwa, wẹ ọrọre Osanobua mwa, ọmwa ne ọ gha kha ighẹ obọ irẹn gha ke ukhunmwu ne uwẹ ẹ i rrọ.”

Job 25:6

Inu-inu ghi nọ ne ọmwa nagbọn, ne ọkhọe, ne atete! De ive ne ọ rre ọmwa uhunmwu vbe odaro Osanobua?”

Psalm 25:3

A i mu emwa ni mu ẹtin yan ruẹn gbotọ sokpan iran ni zẹgiẹgiẹ sọtẹ ruẹ.

Psalm 31:1

I rre do lẹ gbinna an Nọyaẹnmwa ghẹ gie obọ gba mwẹ ẹdẹ. Osanobua ẹmwata wẹ khin lahọ miẹn mwẹ fan.

Psalm 31:11

Te avbe eghian mwẹ hia, kpataki avbe ẹdogbo mwẹ, ghi sọnnọ mwẹ. Te ohan mwẹ ghi mu iran ni rẹn mwẹ; iran gha dekun mwẹ vbe ore, iran ghi lẹẹ.

Psalm 41:5

Avbe eghian mwẹ wa guan ẹmwẹ dan vbe ekpa mwẹ; iran ho ne I wu kevbe ne I vbe khian ne a mianmiaẹn.

Psalm 88:8

U gie avbe osẹ mwẹ he mwẹ ye otọ, u yamwẹ khian ne ọ zughu ẹko ne iran, a ke mwẹ ye ako, I i sẹtin lẹfua.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 49:7

Osanobua nọhuanrẹn kevbe ọmiọnmwafan Izrẹl khama rẹn ighe ọmwa nii ne a kakabọ zan an ne avbe uhunmwu ẹvbo hia khuiwu ẹre, ne ọ vbe re ọguọmwadia iran ni khaemwisẹ wẹẹ, “Avbe ọba gha miẹn vbe a gha fan an yotọ, iran ghi kpa uhe ya yọghọ ne uẹn, avbe ivbi ọba debare gha vbe miẹn ọẹn, iran ghi ghughẹrre ẹsẹse ya yọghọ ne uẹn.” Ọ na gha sunu rhunmwuda, e Nọyaẹnmwa zẹẹ ọguọmwadia ẹre nẹ Osanobua nọhuanrẹn ọghe Izrẹl vbe mu eyan rẹn sẹ.

Aizaia 53:3

Ma zan rẹn a keghi vbe he ẹe yotọ. Ọ ziengbe oya kevbe obalọ, a ma miẹn orhiọnkpa ne ọ vbe tọn aro mu ghe ẹre ma keghi wa yangbe ẹe vbene a gha kha ighẹ ẹ i re emwi rhọkpa.

Eve Orriara 3:30

Ọ gha khọn rẹn ne a gbe mwa ra ne a vbe rhovbiẹ mwa wa gie ima hẹko ya egbe miẹn ehia.

Matiu 11:19

Ovbi Ọmwa ghi vbe rre, ọ kegha re, ọ kegha da. Emwa ghi ra vbe kha, iran wẹẹ, ‘U ghe ẹre ighe ọmwẹko, ọdayọn, rẹn vbe iran ni koko igho uhunmwu kevbe avbe ẹwobi emwa ọre ọ gba mu obọ!’ Vbene ọ rhirhi a gha ye hẹ, emwi ne a ya ẹwaẹn Osanobua miẹn, ọre ọ kha ene unu ẹwaẹn Osanobua.”

Matiu 12:24

Avbe Farisi ghi họn, iran wẹẹ, “E Bẹlzibọb ne ọkaolotu avbe orhiọn esu, ọre ọ rhie ẹtin ne ọ ya khulo orhiọn esu ladian nẹẹn.”

Iyẹn ne ọ Maan Ọghe Jọn 7:15

Unu keghi kakabọ yan avbe Ju, iran wẹẹ, “Vbe okona na rẹn emwi sẹ rriọ hẹ yi ugbẹn vbe ọ ma yo esuku?”

Iyẹn ne ọ Maan Ọghe Jọn 7:20

Emwa ni gbe ẹbu ye evba tama rẹn wẹẹ, “U mwẹ Orhiọn esu, de ọmwa ne ọ ho ne ọ gbe uẹ ua yi?”

Iyẹn ne ọ Maan Ọghe Jọn 8:48

Avbe Ju wanniẹn Jesu wẹẹ, “U ghe ighe ẹmwata ma tae wẹ ovbi e Sameria ọre u khin ighe u vbe mwẹ orhiọn esu.”

Hibru 13:12

Ọna ọ si ẹẹ ne Jesu na vbe wu ye vbe a lahin onurho ẹvbo rre nẹ, ne ọ miẹn ehe na ye esagiẹn ọnrẹn, khuẹ orukhọ emwa kua.

Arhie Maan 15:3

Iran kegha so ihuan e Mosis ne ọguọmwadia Osanobua kevbe ihuan ọghe Oteghe Ohuan nii. “Nọyaẹnmwa Osanobua ne Oghodua, ne ọ kpọlọ kevbe ne ọ yan ọmwa unu ọre avbe iwinna obọ ruẹ khin. Ọba avbe agbọn ẹvbo hia, ne ọ gbae kevbe ne ọ re uhunmwu ẹmwẹ ọre odẹ ruẹ hia khin.