E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.
E Jerusalẹm, te uwẹ gha ye vbe okhuo ne ẹ i mwẹ emọ, sokpan, eban nian, u sẹtin so ihuan ne u vbe gha wee ne oghọghọ. Eban nian, u gha mwẹ emọ sẹ okhuo ne ọdọ ẹre ma sẹrae ẹdẹ,
Tọn aro mu ne u ghe emwi ne ọ sunu. Emwa ruẹn gha si egbe koko ne iran gha die owa. Avbe ivbuẹ nikpia gha ke otọe urria rre, a gha mu avbe ivbuẹ nikhuo zẹ vbe emọ obọ.
Rhunmwuda, iyẹn ne ọ maa tae ladian nẹ vbene Osanobua ya ye ọmwa khian ọmwata vbe odaro ẹre hẹ vbe ekpa iyayi ọkpa ne ọ ke omuhẹn ya sẹ ufomwẹ, rhunmwuda, Ebe ta ẹe nẹ wẹ, “Ọmwa ne a la ekpa iyayi ya khian ọmwata vbe odaro Osanobua, ọ gha fe.”
Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.