Psalm 22:3 - Edo Bible (E Baibol Ẹdo) Version 1996

³ Sokpan, wẹ ọ re ọ rre ẹkete zẹvbe ọmwa Ne ọ Huanrẹn. Ọmwa ne Izrẹl rho.

Psalm 22:3 ပူးပေါင်းရင်းမြစ်များ

Job 19:7

I datu wẹ obọ ẹre da mwẹ, a ma miẹn ọmwa ne ọ danmwehọ. I tu wẹ ne a bu ohiẹn mwẹ ẹse, a ma miẹn ọmwa ne ọ zẹ yọ.

Job 30:20

“I tu tie ruẹ Osanobua, sokpan u ma khuẹnniẹn mwẹ, I vbe na erhunmwu, u ma zẹ yọ mwẹ ẹre.

Psalm 145:17

Ọmwata ọ re Nọyaẹnmwa khin vbe emwi ne ọ ru hia, ọ vuọn ne itohan vbe iwinna rẹn hia.

Psalm 50:23

Ekpọnmwẹ ọrọre ese ne ọ rhie ọghọ mẹ, mẹ gha vbe miẹn iran hia ni họn ẹmwẹ mẹ fan.”

Psalm 65:1

Osanobua, ọ kere ne ima gha rho ruẹ vbe Zaiọn ne ima gha mu eyan ne ima yan ma ruẹn sẹ.

Psalm 88:2

Họn erhunmwu mwẹ, rhie ehọ ye utumwẹ mwẹ ne I ya nọ iyobọ.

Psalm 99:9

Wa rho e Nọyaẹnmwa ne Osanobua mwa, wa vbe ya ga vbe oke ẹre Ne ọ huanrẹn! Ọmwa ne ọ huanrẹn, ọ re Nọyaẹnmwa ne Osanobua mwa khin.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Habakọk 1:2

Nọyaẹnmwa, inu ẹghẹ ọ re I gha datu nọ iyobọ la, a keghi zẹ yọmwẹ re, ne u do miẹn ima fan hin obọ uyinmwẹ ọkpankpan rre?

Diuteronomi 10:21

Wa gha rho ẹre, Osanobua rua nọ, aro uwa vbe sẹ emwi nọkhua kevbe ne ọ yan mwa unu uan ne ọ ru ne uwa.

Arhie Maan 4:8

Ọkpọkpa vbe uwu avbe emwi ne a yi ni ma he wu ni, keghi mwẹ ifuẹn ehan, aro keghi vuọn iran egbe hia ke aro kevbe iyeke, iran i vbe da obọ ihuan ne iran so yi avan kevbe asọn wẹẹ: “Ne ọ huanrẹn, ne ọ huanrẹn, ne ọ huanrẹn, ọre Osanobua ne Oghodua khin. Ọmwa ne ọ ka rrọọ de, ne ọ rrọọ banbanna, kevbe ne ọ khian gha rrọọ vbe ẹghẹ ne ọ dee.”