Psalm 22:29 - Edo Bible (E Baibol Ẹdo) Version 1996

²⁹ Emwa ni tọn egbe mu hia gha ya uhunmwu rhanmwẹ otọ ne ẹẹn. Emwa ne ọ sẹtin wu hia gha ya uhunmwu rhanmwẹ otọ ne ẹẹn.

Psalm 22:29 ပူးပေါင်းရင်းမြစ်များ

Psalm 113:7

Ọ tọn ovbiogue mu ke ebubẹ ladian, ọ tọn iran ne ẹ i mwẹ mu hin usẹ iran rre,

Psalm 45:12

Ivbi e Taia gha ha oko guẹ, emwa nii ni fe ghi gha gualọ aro nọ maa ọwuẹ.

Psalm 73:7

Ekhọe iran ghi gha hihiẹ ọkhọ ladian, ekhọe iran ghi gha zẹ iro emwi dan.

Psalm 78:31

Ẹghẹ nii, ohu iran mu Osanobua, ọ keghi gbele emwa iran ni mwẹ ẹtin sẹẹ, avbe igbama ni maa sẹẹ vbe Izrẹl.

Aizaia 10:16

E Nọyaẹnmwa ne Oghodua ra gie emianmwẹ ya rri iran oya ighe avbe emwa ni miẹn evbare re ẹsẹse nian. Erhẹn ne ọ yọn kpoo gha rre iran uwu egbe.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 29:4

E Jerusalẹm ghi do yevbe orhiọn ọmwa ne ọ wu nẹ ra ẹrinmwi, ne ọ te ziga ne ọ guan ke ototọ gha dee, urhu ne a ya obọ guee ẹre unu ne ọ ke uwu ebubẹ ladian rre.

Aizaia 45:23

Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Aizaia 60:16

Avbe uhunmwu ẹvbo kevbe avbe ọba, ọ re ọ ra gha gbe aro ghe ruẹ. Zẹ vbene iyọmọ koko ovbi ẹre. Wẹ gha rẹn wẹ mẹ ne Nọyaẹnmwa ọ re ọ miẹn ruẹn fan, wẹ Osanobua ne ọ mwẹ ẹtin ọghe Izrẹl ọ re ọ fan an fua.

Hozia 13:9

“I gha fuẹn uwa ne ivbi Izrẹl ua! De Ọmwa ne ọ ghẹ ghi sẹtin ru iyobọ ne uwa?

Obedaia 1:21

Emwa ni khọnmiotọ vbe Jerusalẹm gha khọn mu Idọm, iran ghi vbe gha kha yan rẹn. E Nọyaẹnmwa tobọ ẹre ọre ọ khian gha re ọba.”

Iyẹn ne ọ Maan Ọghe Jọn 3:36

Ọmwaikọmwa ne ọ ya ọmọ yi mwẹ arrọọ ne ẹ i fo, ọmwa ne ọ ma ya ẹmwẹ Ọmọ ru emwi, ẹ i khian gha mwẹ arrọọ, sokpan izohu Osanobua gha rrọọ ẹre uhunmwu ẹdẹdẹmwẹdẹ.

Filipai 2:10

Wẹ, ne a ya gha ya ọghọ ne eni Jesu, emwi hia ni rre ẹrinmwi, ni rre agbọn kevbe ni rre ototọ agbọn. Te ehia gha de iguẹ.

Arhie Maan 21:24

Uwanmwẹ ọnrẹn ọre emwa ni rre agbọn gha ya bẹghe odẹ, ne iran la khian, avbe ọba agbọn ghi kun ẹfe iran gha die uwu ẹre.