Psalm 22:23 - Edo Bible (E Baibol Ẹdo) Version 1996

²³ “Wa ne eguọmwadia e Nọyaẹnmwa, wa rho ẹre wa ya ọghọ ne ẹẹn, wa ne ivbi uniẹn Jekọb. Wa vbe ga ẹe, wa ne ivbi Izrẹl.

Psalm 22:23 ပူးပေါင်းရင်းမြစ်များ

Psalm 106:5

Gunmwẹ miẹn ọẹn vbe agbọn a maa emwa ruẹn, ne I vbe ghae vbe ọ yẹnmwẹ ruẹ, vbe ọyẹnmwẹ ne ọre ọghe emwa ruẹn.

Psalm 109:30

I gha ya urhu ne ọ la kpọnmwẹ Nọyaẹnmwa; I gha rho ẹre vbe uwu ẹbu avbe emwa ni,

Psalm 111:1

Wa rho e Nọyaẹnmwa! I gha ya ekhọe mwẹ hia kpọnmwẹ e Nọyaẹnmwa; vbe uwu ẹbu avbe emwa rẹn.

Psalm 115:11

Wa hia ni ga Nọyaẹnmwa, wa mu ẹtin yan e Nọyaẹnmwa, rọẹn ọre ọ ye uwa obọ, ne ọ vbe rhie uwa lẹre.

Psalm 115:13

Ọ gha fiangbe iran hia ni ye ọghọ ne ẹẹn, ke ne ọ kpolo, kevbe ne ọ kanmwa.

Psalm 145:19

Ọ viọ emwi ne iran i mwẹ ne iran ni ya ọghọ ne ẹẹn, ọ họn utumwẹ iran, ọ keghi miẹn iran fan.

Psalm 22:30

Avbe orre ni dee hia, gha ga ẹe, emwa gha na iyẹn Nọyaẹnmwa, ma avbe orre ni dee.

Psalm 26:12

I fe vbe obọ ẹbe hia, I rho e Nọyaẹnmwa vbe uwu ẹbu iko emwa rẹn.

Psalm 33:8

Wa ya ọghọ ne Nọyaẹnmwa, wa ne otọ hia, wa ya ọghọ ne ẹẹn, wa ne emwa ne agbọn hia.

Psalm 35:18

Ẹghẹ nii, mẹ gha kpọnmwẹ ọn vbe uwu iko avbe emwa ruẹn. I gha rho ruẹ vbe ehe ne iran hia ye.

Psalm 50:23

Ekpọnmwẹ ọrọre ese ne ọ rhie ọghọ mẹ, mẹ gha vbe miẹn iran hia ni họn ẹmwẹ mẹ fan.”

Psalm 86:12

I gha ya ekhọe mwẹ hia rho ruẹ Nọyaẹnmwa Osanobua mwẹ I gha na iyẹn ukpọlọmwẹ ruẹn ẹdẹdẹmwẹdẹ.

Aizaia 25:3

Ivbi ẹvbo ni mwẹ ẹtin gha rho ruẹ a gha mu ohan ruẹn vbe ore avbe uhunmwu ẹvbo dan.

Iyẹn ne ọ Maan Ọghe Luk 1:50

Ọ tohan iran hia ni mu ohan rẹn. Ke orre ya sẹ orre.

Iyẹn ne ọ Maan Ọghe Luk 2:20

Avbe Ọsuohuan keghi werriegbe, iran kegha so ihuan rho Osanobua rhunmwuda emwi ne iran họn ẹn kevbe ne aro iran sẹe ne ọ wa gha ye zẹ vbene avbe odibosa tama iran.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”