Psalm 22:16 - Edo Bible (E Baibol Ẹdo) Version 1996

¹⁶ Otu emwa dan ghae ga mwẹ zẹvbe oghẹn ekita, iran mama rhu mwẹ. Iran yanghan mwẹ obọ kevbe owẹ.

Psalm 22:16 ပူးပေါင်းရင်းမြစ်များ

Psalm 22:1

Osanobua mwẹ, Osanobua mwẹ, vbọzẹ ne u na he mwẹ ye otọ? I wa kakabọ tu ya nọ iyobọ, sevba, ọ ma rre.

Psalm 22:20

Miẹn mwẹ fan hin umozo rre, vbe miẹn orhiọn mwẹ hin obọ avbe ekita na rre.

Psalm 38:11

Avbe osẹ kevbe ẹdogbo mwẹ i ghi sikẹ mwẹ, rhunmwuda ẹtẹ mwẹ, avbe etẹn mwẹ ne a rẹn egbe te iran ghi lẹ mẹ.

Psalm 59:14

Avbe eghian mwẹ dọlegbe rre vbe ota, iran gha gbọ vbe awa vbene iran la ẹvbo ni khian.

Psalm 59:6

Iran ghi dọlegbe rre vbe ota iran ghi gha gbọ vbe awa vbe iran a gha la ẹvbo khian.

Psalm 86:14

Iran ni tọn egbe mu, mu aro da mwẹ Osanobua, otu emwa dan okpa ho ne ọ gbe mwẹ uan avbe emwa ne ẹ i zẹ ye uwẹ re hiehie.

Aizaia 53:5

Sokpan rhunmwuda orukhọ mwa ọ re a na fian ẹre ẹwẹn, a keghi gbe ẹe rhunmwuda emwi dan ne ima ru. Oya ne irẹn ree ọ re ọ mu ima egbe rran emwi ne a fi irẹn re ọ re ọ sinmwi mwa.

Jerimaia 12:6

Uhin ighe avbe etuẹn nikpia, emwa ẹgbẹe ruẹ rhie ruẹ ma, iran rhie obọ ba okhọn ne a gu uẹ khọn. Ghẹ mu ẹtin yan iran, ọ gha khọn iran ne iran gha ta ẹmwẹ ose.”

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Matiu 26:57

Iran ni mu Jesu keghi si ẹe gha rrie owa Kaiafas ne Ogie Ohẹn, ehe ne avbe iran ni ma emwa Uhi kevbe ediọn si egbe koko yi.

Matiu 27:35

Iran ghi kan rẹn mu ugbugbe nẹ vbe evba, iran keghi yan uta ya ghae ukpọn rẹn.

Matiu 7:6

“Ghẹ rhie emwi nọhuanrẹn ne ekita, te ọ ra gha gbọọ ruẹ kẹkan. Ghẹ rhie emwi uzọmọ ye odaro esiebo, te ọ ra ya owẹ rri ẹe ginna otọ.

Iyẹn ne ọ Maan Ọghe Mak 15:24

Iran keghi kan rẹn mu ugbugbe, iran keghi gba ghae ukpọn rẹn, iran na yan uta yọ ne a miẹn ehe na rẹn ne dọmwadẹ ọghọe gha rhie vbọ.

Iyẹn ne ọ Maan Ọghe Luk 23:23

Sokpan iran hia keghi wa gha go gboo wẹ ne ọ kan Jesu mu erhan ugbugbe. Vbe okiekie obọ ugomwẹ ne iran go keghi ke okhunmwu.

Iyẹn ne ọ Maan Ọghe Luk 23:33

Iran ghi sẹ ihe ọkpa ne a tie ẹre “Ugboloko Uhunmwu,” iran keghi kan Jesu mu ugbugbe, kevbe izigan eva nii, ọkpa vbe obọ erha ọmwa kevbe nọkpa vbe obọ iye ọmwa.

Iyẹn ne ọ Maan Ọghe Jọn 19:23

Avbe ivbiyokuo ghi kan Jesu mu ugbugbe nẹ, iran viọ ukpọn rẹn, iran ke ghae ẹre ye ihe enẹ ọkpọkpa ne ivbiyokuo ọkpọkpa. Iran keghi vbe mu ẹwu ẹre ne a do ke otọ ya sẹ ukhunmwu vbe ne ẹ i na mwẹ ehe ne a na dọlọ ẹe kugbe.

Iyẹn ne ọ Maan Ọghe Jọn 19:34

Sokpan, ọkpa vbe uwu avbe ivbiyokuo keghi so asoro ẹre ye Jesu efẹn, esagiẹn kevbe amẹ keghi gbe kua. (

Iyẹn ne ọ Maan Ọghe Jọn 19:37

Ebe ne ọ huanrẹn vbe ta ẹe vbe ihe ọvbehe wẹ, “Iran ghi gha ghe ọmwa ne iran ye asoro so.”

Iyẹn ne ọ Maan Ọghe Jọn 20:25

Avbe erhuanegbe nekpa keghi khama rẹn wẹẹ, “Ma miẹn Nọyaẹnmwa.” Tọmọs khama iran wẹẹ, “Deghẹ ẹ i re te imẹ bẹghe ama ise vbe obọ ẹre, ne I rhie ukpẹ ihiẹn obọ mwẹ ye ehe ne avbe ise nii te gha ye, ne I vbe ya obọ mwẹ kan rẹn efẹn, I i ra yayi.”

Iyẹn ne ọ Maan Ọghe Jọn 20:27

Ọ keghi khama Tọmọs wẹẹ, “Rhie ukpẹ ihiẹn obọ ruẹ ye emwa, ghe obọ mwẹ, niẹn obọ ruẹ rre ne u ya ẹe kan efẹn mwẹ. Ghẹ i ghi bọ iro eva, yayi!”

Filipai 3:2

Wa gha ba iran ni ru emwi dan nii, avbe ekita nii, emwa ni mu yan rẹn wẹ te iran ra gha giagia egbe iran.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.