Psalm 22:15 - Edo Bible (E Baibol Ẹdo) Version 1996

¹⁵ Ẹho mwẹ kae zẹvbe ikpekhae, aranmwẹ mwẹ, keghi sikan mu ighehe mwẹ. U sẹmwẹ rae zẹvbe orinmwi ye uwu ebubẹ.

Psalm 22:15 ပူးပေါင်းရင်းမြစ်များ

Gẹnẹsis 18:27

Ebraham kevbe dọlegbe guan wẹẹ, “Lahọ, ghẹ gui ye udinmwẹ ne I ye ya guẹ guan na Nọyaẹnmwa. Ọmwa kẹkan ọre I khin, I i mwẹ asẹ ne I gha ya ta ẹmwẹ rhọkpa.

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

II Samuẹl 14:14

Te ima gha he wulo, te ima yevbe amẹ ne a rhurhẹe ku otọ ne ẹ i ghi gia dọlegbe si koko. Emwa gha wulo, uhin ighẹ Osanobua ighi vbe dọlegbe viọ iran gha die agbọn. Sokpan ọba sẹtin gualọ odẹ la rhie ọmwa ke iwe rre.

Job 10:9

Yerre wẹ obuẹ ọ re u ya ma mwẹ, te u ghi ra vbe dunmwu mwẹ khian ebubẹ ra?

Job 19:20

Te ikpakpa egbe mwẹ ghi munọ ikọnmwẹ yan ugboloko mwẹ; egbeiregbe ne I ya miẹn uhunmwu.

Job 29:10

avbe emwa ni hin ukhuan sẹẹ ghi gbẹdọ.

Job 30:16

“Odẹ ẹrinmwi ọre I ghi gbẹn na; oya ne I re i mwẹ erọkhọrọkhọ.

Job 34:15

te emwa ni rrọ hia gha wulo. Iran ghi dọlegbe khian ekẹn.

Job 7:21

Wẹ i ya orukhọ mwẹ bọ mwẹ ẹdẹ ra? Wẹ i ye abakuru mwẹ bọ mwẹ? Ẹ i ghi kpee wan, I ghi la idin mwẹ. u gha gualọ mwẹ, sokpan, mẹ kpao nẹ.”

Psalm 104:29

Wẹ gha fi iyeke gbe, ohan ghi gha mu iran, u gha miẹn iran uhiọnrọnmwẹ, iran ghi wulo, iran ghi dọlegbe ghe ekẹn ne iran ke rre.

Psalm 30:9

“De ere ne ọ rrọ nuẹn deghẹ I wu? De ere ne ọ rrọ deghẹ I la idin? Avbe orinmwi vbe sẹtin rho ruẹ ra? Iran gha sẹtin mu itohan ruẹn ne ẹi fira go ra?

Psalm 38:10

Ẹkoko udu mwẹ gha ha ọka, orhiọn ni mwẹ nẹ, awanwan aro mwẹ lahin rre.

Psalm 69:21

Ẹghẹ ne ohanmwẹ na gha gbe mwẹ iran keghi rhie eruan mẹ, ẹghẹ ne ovbamẹ na gha gbe mwẹ iran keghi mu okikan gun mwẹ.

Psalm 69:3

Egbe wọ mwẹ ne I ya tu nọ iyobọ, urhu mwẹ vbe kaka te aro mwẹ ghi vbọ ne I ya gualọ iyobọ ruẹ.

Itan 17:22

Aro ọmwa gha ma vbe uhunmwu vbe ẹghẹ hia, egberranmwẹ ọ re ọ rhie gie ọmwa; emianmwẹ uwu ne huẹẹ nọ ne egbe wa gha kan ọmwa vbe ẹghẹ hia.

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Eve Orriara 4:4

Iran gie ohanmwẹ kevbe ovbamẹ gbele iran emọ uan ibiẹka gha vbu evbare khian, vbe ne a i na miẹn ne ọ gha rhie ne iran.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Matiu 27:50

Jesu keghi dọlegbe ya urhu ne ọla datu, ọ keghi hẹwẹ fo.

Iyẹn ne ọ Maan Ọghe Jọn 19:28

Jesu ghi miẹn wẹ a ru emwi hia orugba nẹ, ne ẹmwẹ ne ebe tae miẹn ehe na sẹ, ọ wẹẹ, “Ohanmwẹ amẹ gbe mwẹ!”

I Kọrinti 15:3

Emwi ne imẹ miẹn rhie ọre I vbe na rhie sẹ uwa obọ, emwi ne ọ wa vbe re emwi kpataki ẹsẹse wẹ Kristi wu ba ẹmwẹ orukhọ mwa zẹ vbene a gbẹn ọẹn ye Ebe.