Psalm 22:14 - Edo Bible (E Baibol Ẹdo) Version 1996

¹⁴ Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Psalm 22:14 ပူးပေါင်းရင်းမြစ်များ

Job 16:10

Emwa gha niẹn ukpe da mwẹ, iran do lẹga mwẹ, iran kegha gbe ubi yọ mwẹ aro.

Job 23:16

Osanobua ne Udazi ya mwẹ khian avbiẹrẹ nẹ, Osanobua ọ re ohan rẹn mu mwẹ ighẹ ẹ i re ebiebi. A gha rhe miẹn wẹ, nene ebiebi rhu mwẹ aro nẹ.”

Job 30:16

“Odẹ ẹrinmwi ọre I ghi gbẹn na; oya ne I re i mwẹ erọkhọrọkhọ.

Psalm 22:17

Te a ghi bẹghe ugboloko mwẹ hia. Avbe eghian mwẹ yan aro gha ghe mwẹ.

Psalm 31:10

Egbe wọ mwẹ rhunmwuda akhiẹ. Eve fian ẹdẹ mwẹ kanmwa. Olọghọ ne I ye guọghọ mwẹ egbe ye otọ. Te avbe ugboloko mwẹ ghi rẹnhuan.

Psalm 35:21

Iran ba mwẹ ifi ẹzọ, vbene iran na go wẹẹ, “Ma miẹn emwi ne u ru nẹ.”

Psalm 68:2

Zẹ vbene a hoho ighogho kua, erriọ ọ re ọ hoho iran gha rriẹ. Zẹ vbene odan ranran vbe erhẹn erriọ ọ re emwa dan lua vbe odaro Osanobua.

Eve Orriara 3:46

“Avbe eghian ima hia rhovbiẹ mwa iran keghi vbe ya ima gbogiẹ.

Daniẹl 5:6

Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

Nahum 2:10

A fuẹn Ninevi ua, a hee ẹe ye otọ, ọ dihoi rua! Ẹtin hia ranran an rhunmwuda ohan, igbọn gha rhie gbe egbe, ẹtin fo. Te aro ghi reghe ua vbe uhunmwu.

Matiu 26:38

Rẹn keghi tama iran wẹẹ, “Obalọ ekhọe mwẹ wo vbe egbe sẹ ne ọ ye ọmwa sa hẹ nian, wa mudia mwa ne uwa gunmwẹ gha ba odẹ.”

Iyẹn ne ọ Maan Ọghe Luk 22:44

Ọ keghi kakabọ na erhunmwu vbe uwu omanọ, ọfo ne ọ rre egbe ẹre keghi ye vbe esagiẹn, ọ kegha kharha ku otọ.]

Iyẹn ne ọ Maan Ọghe Jọn 12:27

“Ekhọe mwẹ wa rhia nian, vbe i a ra miẹn ta yi, te I ghẹ ghi kha wẹẹ, ‘Erha mwẹ ghẹ gie emwi na rruan mwẹ?’ Sokpan, rhunmwuda ọnii ọre I na rre ne I miẹn ehe na do ya egbe miẹn oya na.

Jọsua 7:5

Obọ avbe eghian keghi vba arhin ehan yan ọgban vbe uwu iran. Iran keghi khulo ivbi Izrẹl ke onurho ẹvbo nii kpao do sẹ ehe ne a na guọghọ okuta ya bọ owa, iran na gha gbele iran lele odẹ dee vbe ne a ya tuorre vbe oke nii. Ohan keghi suẹn gha mu ivbi Izrẹl ẹtin na fo iran.