Psalm 22:13 - Edo Bible (E Baibol Ẹdo) Version 1996

¹³ Iran rhan unu iran zẹvbe oduma, iran viọ ihiẹn da mwẹ.

Psalm 22:13 ပူးပေါင်းရင်းမြစ်များ

Job 16:10

Emwa gha niẹn ukpe da mwẹ, iran do lẹga mwẹ, iran kegha gbe ubi yọ mwẹ aro.

Psalm 17:12

Iran ye vbe oduma, iran gha khẹ mwẹ, iran gha khẹ ne iran yanghan mwẹ ukhiọnmwẹ ukhiọnmwẹ.

Psalm 22:21

Yuo mwẹ hin obọ avbe oduma na rre; mẹ i sẹtin ru emwi rhọkpa, vbe ehe ne avbe ẹmila oha na ye.

Psalm 22:7

Emwa ni miẹn mwẹ hia, ya mwẹ gbogiẹ, iran yuo aranmwẹ ladian, iran gha rueghe uhunmwu iran.

Psalm 35:17

Vbe u a ra hunwan gha ghe ọna sẹ hẹ yi Nọyaẹnmwa? Wọlọ mwẹ hin ugbemwẹ iran rre, miẹn orhiọn mwẹ fan hin obọ avbe oduma na.

Psalm 35:21

Iran ba mwẹ ifi ẹzọ, vbene iran na go wẹẹ, “Ma miẹn emwi ne u ru nẹ.”

Psalm 7:2

Ne iran ghẹ ya mu mwẹ gha rriẹ, zẹ vbe oduma, vbe ne ọmiọnmwafan i na rrọọ. Iran ghi yanghan mwẹ ye otọ, ukhiọnmwẹ ukhiọnmwẹ.

Eve Orriara 2:16

Avbe eghian ruẹn hia gha ya a gbogiẹ iran ghi tọn aro ikhuiwu ye uẹ egbe. Iran ghi fi aranmwẹ ye irho gha kha wẹẹ, “Ma dunmwu ẹẹn ruan nẹ! Ẹdẹ ne ima rhie aro ye odẹ khẹ nii ọ re ọna khin!”

Eve Orriara 3:46

“Avbe eghian ima hia rhovbiẹ mwa iran keghi vbe ya ima gbogiẹ.

I Pita 5:8

Khẹ yegbe, gha ba odẹ! Rhunmwuda Esu ne oghian ruẹn gha vin yo vin rre, ọ gha davan vbe oduma, ọ gualọ ọmwa ne ọ gha gbe re.