Psalm 22:11 - Edo Bible (E Baibol Ẹdo) Version 1996

¹¹ Ghẹ khian rrei mẹ rhunmwuda, ibaro sikẹ mwẹ, ọmwa ne ọ gha yọmwobọ i rrọ.

Psalm 22:11 ပူးပေါင်းရင်းမြစ်များ

II Ọba 14:26

E Nọyaẹnmwa keghi miẹn oya vbe usẹ ne ivbi Izrẹl ye. A ma vbe miẹn ọmwa rhọkpa ne ọ yi iran obọ,

Psalm 10:1

Vbe u a na khian rrei sẹrriọ hẹ yi, Nọyaẹnmwa? Vbe u a ghi na rhie egbe lẹre hẹ yi? Vbe ima rre uwu ibaro?

Psalm 35:22

Sokpan, wẹ miẹn ọna nẹ Nọyaẹnmwa, rhunmwuda ọnii, ghẹ hunwan Nọyaẹnmwa. Ghẹ vbe khian rrei ya gha rre urria.

Psalm 38:21

Nọyaẹnmwa, ghẹ he mwẹ ye otọ. Osanobua mwẹ, ghẹ khian rrei mẹ!

Psalm 69:18

Bu mwẹ gha dee ne u do miẹn mwẹ fan, rhan mwẹ ye otọ hin obọ avbe eghian mwẹ rre.

Psalm 71:12

Ghẹ khian rrei Osanobua; Osanobua mwẹ, zẹgiẹ gha dee do yọmwẹ obọ!

Psalm 71:6

Wẹ ọ re I ya egbe yan vbe ẹdẹ agbọn mwẹ hia wẹ ọ re ọ degue mwẹ ke ẹdẹ ne a biẹ mwẹ gha dee. Mẹ gha rho ruẹ rhinrin ẹdẹ.

Psalm 72:12

Rẹn miẹn avbe ivbiogue, ni kpe tie ẹre fan deba iran ne ẹ i mwẹ kevbe ne a he.

Aizaia 63:5

Ọ wa yaan mwẹ unuan, vbe I ghe lẹga vbe ne a ma na miẹn ọmwa rhọkpa ne ọ do yọmwẹ obọ. Sokpan, ohu ne ọ mu mwẹ keghi rhie ẹtin yọmwẹ iwu, I keghi tobọmwẹ khọnmiotọ.

Matiu 26:56

Sokpan ena hia sunu ne Ebemiẹn ehe na sẹ.” Ẹkpo ni ọre avbe erhuanegbe hia ghi na sẹ ọe rae, iran keghi lẹ kua.

Matiu 26:72

Pita keghi vbe dọlegbe siẹn ọ wanniẹn wẹẹ, “I gha zẹdẹ rẹn ọnrẹn ne I vẹn ihẹn.”

Matiu 26:74

Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ.

Iyẹn ne ọ Maan Ọghe Jọn 16:32

Ẹghẹ dee, ọ wa vbe sẹ otọ nẹ ne a gha na zagha uwa hia kua, edọmwadẹ ọghọe ghi gha rrie owa ẹre, wa ghi sẹ mwẹ rae ọ ghi do kẹ mẹ ọkpa kẹkan. Sokpan ẹ i khian gha re imẹ ọkpa rhunmwuda, Evbavba gha mudia ke mwẹ.

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.