Psalm 21:9 - Edo Bible (E Baibol Ẹdo) Version 1996

⁹ Ọ gha fuẹn iran hia a zẹvbe okperhẹn, vbe irẹn a ladian. Nọyaẹnmwa gha fuẹn iran an vbe ohu ẹre, erhẹn gha giẹn iran an.

Psalm 21:9 ပူးပေါင်းရင်းမြစ်များ

Gẹnẹsis 19:28

Ọ ke tọn aro mu ya ghe Sọdom kevbe Gomorra kevbe iya nii hia, ọ keghi miẹn vbe ighogho gbe ke otọe nii rre zẹ vbe ighogho nọ gbe ke ogidi erhẹn rre.

Ẹzra 6:12

Te Osanobua ni ne ọ zẹẹ Jerusalẹm wẹ evba ọre a gha na gha ga irẹn, gha guọghọ ẹre arriọba a, ighẹ ọbakọba ne ọ ma zẹ ye ẹmwẹ na, ọ na gha ho ne ọ guọghọ Ọgua Osa ne ọ rre evba a. Mẹ ne Dariọs ọ re ọ ta ẹmwẹ na. Ẹmwẹ ne I tae, ta a gha mu ẹẹn sẹ.”

Job 6:3

iran gha khua sẹẹ ekhae ni rre okun. Rhunmwuda ọnii, wa ghẹ giẹ etalọ mwẹ yan uwa unuan.

Psalm 106:17

Ẹre otọe na rhan unu an, ọ na mi Datan re, ọ keghi vbe re Abiram ke eẹ kevbe ẹgbẹe ọre.

Psalm 18:38

I gbele iran ku otọ, iran i ghi sẹtin kpao iran lovbiẹ vbe odaro vbene obọ mwẹ na gba iran.

Psalm 18:8

Ighogho vẹ ke uvun ihue ẹre ladian, aranmwẹ erhẹn ne ọ giẹn emwi uan kevbe ogiọnmwẹ erhẹn ne ọ giẹn, keghi ke unu ẹnrẹn ladian.

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Psalm 2:5

Ọ ya ohu ya obọ sekhae ne iran ọ ya okuosu ẹre runran iran.

Psalm 50:3

Osanobua mwa dee sokpan, ẹ i ra do rre okperhẹn ne ọ giẹn emwi hia rre odaro ẹre okpẹhoho ne ọ dunmwu emwi hia lẹga ẹre.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Eve Orriara 2:2

E Nọyaẹnmwa wa rẹnkhẹẹn igue hia ni rre Juda a vbe ne a i na vbe mwẹ itohan ọ kevbe guọghọ odin ne a te gba ga ẹvbo nii uan ọ keghi vbe fa otọe arriọba nii kevbe avbe ọkaolotu ẹre ua.

Nahum 1:6

Ohu gha mu ẹẹn, de ọmwa ne ọ gha miẹn uhunmwu? De ọmwa ne ọ gha miẹn uhunmwu vbe obọ ohu ẹre nọkhua? Ọ hihiẹ ohu ẹre ne ọ baa vbe erhẹn ladian, avbe okuta nekhua rẹnkhẹn uan iran khian ebubẹ vbe odaro ẹre.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Matiu 13:42

A ghi hẹ iran ku uwu ọgẹn erhẹn ne iran ya gha viẹ egbe, kevbe ne iran vbe ya gha rri akọn khuara vbe evba.

Matiu 13:50

Iran ghi hẹ iran ku uwu ọgẹn erhẹn. Iran ghi gha viẹ egbe, iran ghi vbe gha rri akọn khuara vbe evba.”

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Matiu 3:10

A rhie ughanmwa yan dọmwadẹ erhan ẹzi nẹ, erhan ne ọ ma ghi mọ ọmọ esi, a gha tọn ẹn gbe otọ, a ghi giagia ẹe hẹku erhẹn.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Diuteronomi 32:22

Ohu mwẹ gha ba ghe odukhunmwu vbe erhẹn ọ ghi giẹn emwi hia ni rre agbọn uan. Ọ ghi sẹ agbọn ne ọ rre uwu otọ, ọ ghi giẹn inian ọghe avbe oke ua.

I Tẹsalonaika 2:16

Iran te ra da ima obọ yi wẹ ne ima ghẹ kpe orhu ẹre ma emwa ne ẹ i re Ju, ighẹ ẹmwẹ nii ne ọ gha rhie imiẹnfan gie iran. Evba ehia ghi na do yi uhunmwu ighẹ orukhọ ne iran ru ke ẹghẹ ni gha dee. Obọ izohu Osanobua he ghi do vba iran.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

Arhie Maan 19:15

Umozo ne ọ mu ne ọ ra ya khọn uhunmwu ẹvbo hia mu otọ kegha ke unu ẹnrẹn ladian. Ọkpọ ematọn ọre ọ khian ya gha khaemwisẹ yan iran, ọ gha vbe balọ ayọn ne ọ rre uwu okọ izohu Osanobua ne Oghodua ladian.

Arhie Maan 20:14

Iyeke ọnii, a keghi filo uwu, kevbe ẹvbo emwa ni wulo nẹ, ku uwu odighi erhẹn. (Odighi erhẹn na ọrọre uwu ne ogieva.)