Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Psalm 20:7 - Edo Bible (E Baibol Ẹdo) Version 1996

7 Arhin eso mu ẹtin yan ikẹkẹ okuo iran, eso vbe mu ẹtin yan ẹsin iran. Sokpan ma mu ẹtin yan ẹtin e Nọyaẹnmwa ne Osanobua ima.

အခန်းကိုကြည့်ပါ။ ကော်ပီ




Psalm 20:7
17 ပူးပေါင်းရင်းမြစ်များ  

Ivbi e Siria keghi lẹ hin odaro ivbi Izrẹl rre. E Devid kevbe emwa rẹn keghi gbele arhin iyihi-nrọn (700) vbe ivbi Siria ni gua ikẹkẹ okuo, iran ni hin ẹsin arriaisẹn iyeva (40,000) iran kevbe kuan Siobak ne ọkaokuo avbe eghian, ọ keghi ye vbe wu ye ehe ne iran na gbinna.


E Devid keghi khọn munọ arhin iyisẹn yan arria erẹnrẹn (1,700) vbe uwu iran ni hin ẹsin ẹnrẹn kevbe arriaisẹn ugie (20,000) vbe ivbiyokuo nii ya owẹ khian, ọ keghi vbe ya ẹsin nii si ikẹkẹ okuo ẹre khian uke, ọ na viọ ẹsin nii gha sẹtin si ikẹkẹ okuo iyisẹn (100) ye otọ vbọ.


Ivbi Izrẹl keghi lẹ kua vbe odaro ivbi e Juda, Osanobua keghi gie obọ ivbi e Juda ke ukhunmwu ne iran.


Asa keghi na erhunmwu ghe Nọyaẹnmwa ne Osanobua ẹre wẹẹ, “U gha sẹtin rhie iyobọ ne ivbiyokuo ne ọ ma wegbe zẹ vbe ne u gha vbe sẹtin rhie iyobọ ne ne ọ wegbe. Ye ima obọ nian Nọyaẹnmwa rhunmwuda, wẹ ọre ima mu ẹtin yan, eni ruẹn ọ re ima ya ladian ne a do gu ivbiyokuo ọrhẹnrhẹn na gbinna. E Nọyaẹnmwa, wẹ ọrọre Osanobua mwa, ọmwa ne ọ gha kha ighẹ obọ irẹn gha ke ukhunmwu ne uwẹ ẹ i rrọ.”


Ẹtin ọmwa ne agbọn kẹkan ọ re irẹn mwẹ sokpan, ma mwẹ, ẹtin ọghe Nọyaẹnmwa ne Osanobua mwẹ ne ọ gha gu ima khọn okuọ mwa.” Ẹmwẹ ne ọba iran tae na keghi rhie igiẹdu ne emwa nii.


U gha sẹtin mu ẹtin yan ẹtin ẹnrẹn nọkhua ra, ne u gha khẹ ọre ne ọ do winna iwinna ruẹn ne ọ lọghọ?


E Nọyaẹnmwa degue emwa rẹn, ọ degue, ọ miẹn rẹn fan ighe ọba ne irẹn hannọzẹ.


Ihuan mwẹ gha gie otiti ruẹ gha rrọ rhinrin ẹdẹ emwa hia ghi vbe gha rho ruẹ vbe ẹghẹ hia ẹdẹdẹmwẹdẹ.


U sẹtin miẹn ẹsin viọ yotọ ne a ya yo igbinna, sokpan e Nọyaẹnmwa ọ re ọ rhie akhọnmiotọ ne ọmwa.


Wa keghi kun ẹẹn ne uwa hin ẹsin ni rhulẹ ẹsẹse lẹ fua vbe obọ eghian uwa. Ẹmwata wa nọ, ulẹ ọ re uwa gha lẹẹ, wa ro wẹ avbe ẹsin uwa wa rhulẹ ẹsẹse, sokpan iran ni khu uwa khian gha rhulẹ sẹẹ.


Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.


E Nọyaẹnmwa khare wẹẹ, “Mẹ gha bu abe gbe ọmwa ne ọ fi iyeke gbe mwẹ, ọ na ya mu ẹtin yan ọmwa, yan ẹtin ọmwa ne ọ vbe wu.


Ivbi e Filistin keghi tie otiegba ne iran do gu ivbi Izrẹl gbinna. Iran kegha mwẹ ikẹkẹ ematọn ọghe okuo arriaisẹn ọgban (30,000) deba emwa ni hin ẹsin arriaisẹn ehan (6,000) kevbe ivbi iyokuo ni bun zẹ vbe ikpekhae ni rre ọkpẹn okun. Iran kegha rrie Mikmas ne ọ rre odẹ ahọ ọghe Betavin, iran keghi bu agọ ye evba.


A gha fuẹn eghian e Nọyaẹnmwa, ọ gha van yan iran ke ẹrinmwi rre, e Nọyaẹnmwa gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba ne ọ hannọ zẹ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ