Psalm 20:5 - Edo Bible (E Baibol Ẹdo) Version 1996

⁵ Ẹghẹ nii, ma gha wẹ uwemwẹ oghọghọ ye akhọnmiotọ ọwuẹ ma ghi vbe rho Osanobua ya do ugie arunagban ruẹn. Te Nọyaẹnmwa gha viọ emwi ne u nọrẹn hia nuẹn.

Psalm 20:5 ပူးပေါင်းရင်းမြစ်များ

Psalm 118:15

Gha họn vbene emwa we uwemwẹ akhọnmiotọ hẹ, vbe agọ emwa e Nọyaẹnmwa: “Ẹtin nọkhua ọghe Nọyaẹnmwa ọ re ọ ru ẹẹ.

Psalm 13:5

Ahoẹmwọmwa ruẹn ne ẹi fiwerriẹ ọre I mu ẹtin yan. I gha ghọghọ rhunmwuda, u gha miẹn mwẹ fan

Psalm 19:4

Sevba urhu iran ghi ya sẹ uhunmwu otọ agbọn hia a ghi vbe họn vbe ehe ne agbọn sẹe. Osanobua bọ owa ne owẹn vbe iso;

Psalm 21:1

Ẹko ọba rhiẹnrhiẹn, Nọyaẹnmwa, rhunmwuda, wẹ rhie ẹtin ne ẹẹn. Rẹn sẹ ọyẹnmwẹ, rhunmwuda, wẹ rhie akhọnmiotọ ne ẹẹn.

Psalm 21:3

U rhie afiangbe nibun bu ẹre gha dee, u ke mu ẹde igoru rhuẹ ọre uhunmwu.

Psalm 35:9

Ẹkpo nii, ọyẹnmwẹ e Nọyaẹnmwa gha sẹ mwẹ. Ẹko gha rhiẹnrhiẹn mwẹ rhunmwuda rẹn miẹn mwẹ fan.

Psalm 60:4

U bu iran ni ye ọghọ ne uẹn ude ne iran miẹn ehe na fe vbe obọ a bu ohiẹn gbe ọmwa.

Psalm 9:14

ne imẹ miẹn ehe na mudia vbe odaro ivbi e Jerusalẹm. Ne I tama iran, emwi ne I rho ruẹ ba. I gha ghọghọ rhunmwuda, wẹ miẹn mwẹ fan nẹ.

Ẹksọdọs 17:15

E Mosis keghi bọ aka, ọ ke gha tie ẹre “Nọyaẹnmwa ọrọre Afiala mwẹ.”

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Maika 4:5

Dọmwadẹ ẹvbo ọ re ọ gho, ọ ghi vbe họn ẹmwẹ ne ẹbọ ẹre, sokpan, ma gha ga, ma ghi vbe gha họn ẹmwẹ ne Nọyaẹnmwa ne Osanobua ima ẹdẹdẹmwẹdẹ.

Habakọk 3:18

Te I gha ye gha sẹ ọyẹnmwẹ rhunmwuda Nọyaẹnmwa Osanobua, ọrọre ọmiọnmwafan mwẹ.

Iyẹn ne ọ Maan Ọghe Luk 1:47

ẹko mwẹ vbe sọyẹnmwẹ ghe Osanobua Ọmiọnmwafan mwẹ,

I Samuẹl 1:17

Elai keghi tama rẹn wẹẹ, “Gha khian vbe ọfumwegbe, te Osanobua Izrẹl gha rhie emwi ne u nọ ẹre re nuẹn.”

I Samuẹl 17:45

E Devid keghi wanniẹn wẹẹ, “Te uwẹ bu imẹ dee nian, ke uwẹ kevbe umozo, asoro kevbe ogala, sokpan, mẹ bu ruẹ dee vbe eni e Nọyaẹnmwa ne Udazi, ne ọ re Osanobua ivbiyokuo Izrẹl, ne uwẹ fara.