Psalm 20:4 - Edo Bible (E Baibol Ẹdo) Version 1996

⁴ Te ọ gha viọ emwi ne u ho hia nuẹn, ne ọ vbe gie emwamwa ruẹn hia dinnodẹ.

Psalm 20:4 ပူးပေါင်းရင်းမြစ်များ

II Samuẹl 24:23

Arauna keghi viọ ehia ne ọba, ọ keghi kha wẹẹ, “Te Nọyaẹnmwa ne Osanobua ruẹ gha rhan obọ miẹn ese ruẹ.”

II Krọnikol 9:12

E Solomọn ne ọba keghi viọ emwi hia ne ọba nokhuo e Siẹba nọ rẹn ne ẹẹn, ya deba emwi ne ọ ya ru ẹse werriegbe ne ẹẹn vbe okhuo nii ha okọ gie ẹe nẹ. Ẹre okhuo nii kevbe iran ni lelẹe khian na werriegbe gha rrie otọ e Siẹba.

Psalm 145:19

Ọ viọ emwi ne iran i mwẹ ne iran ni ya ọghọ ne ẹẹn, ọ họn utumwẹ iran, ọ keghi miẹn iran fan.

Psalm 21:2

U rhie emwi ne ekhọe ẹre ho ne ẹẹn nẹ, u rhie emwi ne ọ nọrẹn ne ẹẹn.

Psalm 37:4

Gha gualọ ọyẹnmwẹ ruẹn vbe uwu e Nọyaẹnmwa; rẹn gha vbe rhie iho ekhọe ruẹ ne uẹn.

Itan 11:23

Emwi esi ọ re ọ la emwi ne emwa esi ho rre, emwi ne emwa dan ho gha sẹ iran obọ, ohu ghi gha mu emwa hia.

Matiu 21:22

Deghẹ wa yayi, emwi ne uwa rhirhi nọọn, ọ gha sẹ uwa obọ.”

Iyẹn ne ọ Maan Ọghe Jọn 11:42

I rẹnrẹn ighe u danmwehọ mwẹ vbe ẹghẹ hia, sokpan rhunmwuda iran ni rre emwa na nian, ọ re I gu kha vberriọ ne iran miẹn ehe na rẹn ighe wẹ ọre ọ gie mwẹ.”

Iyẹn ne ọ Maan Ọghe Jọn 16:23

“Ọ gha sẹ ẹdẹ nẹdẹrriọ, wa i ghi ra nọ mwẹ ọta rhọkpa: Ẹmwata I tama uwa, emwi ne uwa a rhirhi ya eni mwẹ nọ Evbavba re, ọ gha rhie ẹre ne uwa.

Giọgis 13:23

Sokpan, ọvbokhan rẹn wanniẹn wẹẹ, “Akpawẹ te Nọyaẹnmwa ho ne ọ gbele ima an, ẹ i ghẹ rhan obọ miẹn emwi izọ ese mwa; rẹn i ghẹ rhie avbe emwi na hia ma ima, ẹ i ghẹ vbe talọ avbe ẹmwẹ na ma ima vbe ẹghẹ na!”

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.